Búgin Maqtaaral aýdanynda "Eńbek" memlekettik baǵdarlamasy aiasynda "2021-2025 jyldarǵa arnalǵan kásipkerlikti damytý jónindegi ulttyq joba" negizinde biznes-ideialardy iske asyrýǵa arnalǵan qaitarymsyz memlekettik grant alyp kásibin bastaǵan kásipkerlerdiń ónimderiniń kórmesi ótti.
2022 jyly Maqtaaral aýdanynda 224 azamat qaitarymsyz grant iegeri atanǵan. Olar konditerlik ónimder, tigin ónerkásibi, sút ónimderi, jartylai daiyn taǵamdar, nan ónimderi, qazy býrger, syilyq túrlerin jasaý, uialy telefon ásemdeý, omarta sharýashylyǵy, júnnen toqylatyn ónimder, foto-stýdiia, kólik jabdyqtaryn jasaý, jylyjai sharýashylyǵy, qýyrylǵan balmuzdaq, jihaz jasaý, kompiýterlik qyzmet kórsetý, býhgalterlik qyzmet kórsetý, dánekerleý isi, mal sharýashylyǵy salalarynda óz kásipterin bastaǵan bolatyn. Búgingi kórmede kásipkerler atalǵan salalar boiynsha ózderiniń shyǵaryp jatqan ónimderin aýdan jurtshylyǵyna usyndy.
Is-sharaǵa aýdan ákimi Baqyt Asanov qatysyp, kásibin jańadan bastaǵan kásipkerlerdiń jumysymen, shyǵaryp jatqan ónimderimen keńinen tanysty. Sonymen qatar aýdan basshysy jiyn barysynda sóz sóilep, aýyldyń, aýdannyń, tipti elimizdiń áleýmettik-ekonomikasyn kóterý úshin shaǵyn jáne orta biznes damýy kerek ekenin atap ótti.
"Bólinip jatqan qarajat – memleket tarapynan óz azamattarynyń kásip bastaýyna beriletin úlken múmkindik jáne Prezidentimizdiń úlken qoldaýy. Jobaǵa qatysqan ár qatysýshy osy múmkindikti paidalanyp, áreket etip, kásibin damytýǵa tyryssa, elimizde shaǵyn jáne orta biznes damyp, jumyssyzdardyń sany azaiyp, el ekonomikasy kóterile túspek", — dedi, Baqyt Nasyrhanuly.
Munan soń sózge shyqqan aýdan ákimdiginiń "Halyqty jumyspen qamtý ortalyǵy" KMM-niń direktory Muhtar Ájiqabylov memleketten qaitarymsyz grant alýdyń erejeleri týraly is-shara qonaqtaryna keńinen túsindirip ótti. Baǵdarlamaǵa 29 jasqa deiingi jastar, ataýly áleýmettik kómekti alýshylar, kópbalaly otbasylar, múmkindigi shekteýli jumysqa jaramdy azamattar, múgedek bala tárbieleýindegi otbasylar, asyraýshysynan aiyrylǵan otbasylar, qandastar jáne ońtústikten soltústikke qonys aýdarýshylar memleketten qaitarymsyz grant alýǵa úmitker bola alatynyn jetkizdi.
Maqtaaral aýdanynda 2022 jyly "Business Enbek" elektrondy portaly arqyly kásipkerlik negizderine onlain oqýǵa 1415 azamattyń jeke ótinishiteri qabyldanyp, onyń 1008-i oqýyn aiaqtap, sertifikat alǵan. Sonymen qatar 2020-2021 jaldar aralyǵynda "Atameken biznes" portaly arqyly 700-ge jýyq azamat sertifikatqa ie bolǵan. Bul kórsetkishter aýdanda memlekettik grantqa úmitker azamattardyń óte kóp ekenin kórsetedi.
Aita keteiik, biyl 224 adamǵa 1 225 200 teńgeden memlekettik grant berilip, jalpy osy baǵytta 274 million teńgeden astam qarjy tolyq igerilgen.
