Maqtaaral aýdanynda biyl 10 aidyń qorytyndysy boiynsha aýyl sharýashylyǵy óniminiń kólemi artyp, 73 mlrd. 438 mln. teńgege jetken. Bul týraly búgin ótken brifingte Maqtaaral aýdanynyń ákimi Baqyt Asanov málimdedi.
Aýdan ákiminiń aitýynsha, maqtaaraldyq diqandar biyl 60,8 myń gektar jerge egistik ekse, onyń 40,4 gektary jerge maqta daqylyna tiesili. Búgingi kúnge maqta daqyly tolyǵymen jinalyp, 105 717 tn ónim alyndy. Ortasha ónimdilik 26,3 ts/ga qurady. Al, kókónis 19,2 myń tonna, baqsha ónimderi 398,2 myń tonnany qurady. Onyń 80 paiyzy eksporttalǵan. Sondai-aq shaǵyn jáne orta kásipkerlik sýbektilerimen 12,6 mlrd. teńge ónim shyǵarylǵan.
«Biyl aýdanda quny 2,5 mlrd. teńgelik «ZHANASSYL» JShS-i maqta óńdeý zaýyty iske qosyldy. Sondai-aq, «EL-KZ 2020» JShS beton ónimderin óndirý zaýyty jyl sońyna deiin iske asyrý kózdelip otyr. Atalǵan kásiporyndarda 267 adamdy turaqty jumys orynmen qamtý josparlanýda», - dedi aýdan ákimi.
Infraqurylym boiynsha aýdandaǵy jalpy 69 eldimekenniń 67-i ortalyqtandyrylǵan aýyzsýmen qamtylǵan. Al tabiǵi gazǵa 69 eldimekenniń 36-sy qol jetkizgen. Qalǵan eldimekenderdi qamtý maqsatynda tiisti jumystar atqarylýda. Biyl jalpy 52,26 shaqyrymdy quraityn aýdandyq mańyzy bar joldar men eldimekenderdiń ishki kósheleri ortasha jáne aǵymdaǵy jóndeýden ótkizilip jatyr.
Al «Aýyl – el besigi» baǵdarlamasy aiasynda biyl birqatar nysandardyń qurylysy bastaldy. Atap aitsaq, Myrzakent kentinde sport kesheni, Eńbekshi aýyldyq okrýgi, T.Jailybaev eldimekeninen 200 oryndyq mádeniet úii jáne kitaphana, Jambyl aýyldyq okrýgi, Jalyn eldimekeninen 200 oryndyq mádeniet úii jáne kitaphananyń qurylysy júrip jatyr. Atalǵan nysandar kelesi jyly el igiligine berilmek.
Maqtaaral aýdanynda «Qýatty óńirler – el damýynyń draiveri», «Sapaly bilim «Bilimdi ult» jáne «Qazaqstandyqtardyń ál-aýqatyn arttyrýǵa baǵyttalǵan turaqty ekonomikalyq ósý» Ulttyq jobalary sheńberinde 41 joba qaralyp, jalpy 701 jańa jumys ornyn qurý jospary bekitilgen. Qazirgi tańda, 41 jobanyń 34-i iske asyrylyp, 200 jumys orny qurylyp, halyqty jumyspen qamtý ortalyǵy tarapynan 171 jumyssyz azamat elektrondy eńbek birjasy arqyly jumysqa joldanǵan.
