Maqtaaralda turǵyndarǵa úkimetten bólingen 100 myń teńgelik ótemaqy berile bastady. Búginde osy qarajatty berý úshin Jańaturmys, Jeńis, Ferdaýsi, Dostyq, Órgebas eldimekenderiniń 6314 azamatynan qujat qabyldandy, dep habarlaidy "Ult aqparat".
6020 qujat kóshi-qon politsiiasynyń aqparatymen rastalyp, qarjy aýdarý úshin bekitýge usynylǵan.
Búgin topan sýdan zardap shekken halyqpen arnaiy kezdesken Túrkistan oblystyq Qazaqstan halyqtary Assambliasy hatshylyǵynyń meńgerýshisi, Maqtaaral aýdanyndaǵy oblystyq shtabtyń áleýmettik máseleler jónindegi jetekshisi Ǵani Rysbekov kásipker A.Ýsmanovtyń qory esebinen 5202 otbasyna 1000 AQSh dollarynan berilip jatqanyn da jetkizdi.
Qazirgi tańda 13 aýyldan 5342 qujat qabyldanyp, olarǵa monitoring júrgizilgen. Nátijesinde 4839 azamattyń qujaty rastalyp otyr.
«Búginge deiin 3 transhpen 3375 otbasyna belgilengen 1000 dollar ótemaqy aýdaryldy. Qalǵan januialarǵa da qarjy aýdarylady. Bul qarjy negizinen tótenshe jaǵdai jariialanǵan eldimekenderde topan sý basqan sátte turyp jatqan azamattarǵa tiesili. Al, olardyń arasynda páter jaldap turyp jatqan jandar da bar. Osy máselelerdi qarap, tiisti sheshim qabyldaý maqsatynda aýdanda arnaiy komissiia qurylyp, jumys istep jatyr. Sonyń nátijesinde 1438 qujat qaita qaralyp, 1319-y oń qorytyndy alǵan. Aldaǵy aptada bul jumys tolyǵymen aiaqtalýy tiis. Osy maqsatta Jańajol aýyldyq okrýgine qosymsha 4 bilikti maman bólinip otyr», – dedi Ǵani Qurmashuly.
Sonymen qatar, evakýatsiialyq beketterde ótken kezdesý barysynda buzylyp qaita salynatyn úilerdiń qujattary túgel bolmaýyna bailanysty qiyndyq týyndap otyrǵany da sóz boldy.
Máselen, topan sýda qalǵan 870 úidiń 4-inde jeke kýálik kóshirmesi, 19-ynda menshik iesi týraly málimetteri, 7-eýinde memlekettik aktisi, 8-niń tehnikalyq pasporty joq. Búginde oblystyq qurylys basqarmasyna 834 úidiń qujattary tapsyrylsa, 832-si tekserýden ótken, 2 qujat qaita túzetýge jiberilgen.
Sondai-aq, Ǵani Rysbekov oblystyq tótenshe jaǵdailar jónindegi shtab janynan qurylǵan azyq-túlik qoimasynda bolyp, ondaǵy atqarylyp jatqan sharýalarmen de tanysty. Jalpy qoimaǵa búginge deiin elimizdiń túkpir-túkpirinen 740 tonnadan astam taýar kelip tússe, onyń 320 tonnaǵa jýyǵy evakýatsiialyq pýnkterde azamattarǵa taratylyp berilgen.
Aita keteiik, búginde aýdandaǵy 8 evakýatsiialyq bekette 996 azamat ýaqytsha ornalastyrylǵan. Olarǵa kúndelikti qajetti barlyq jaǵdai jasalýda. Azyq-túlik pen gigienalyq zattar der kezinde jetkizilip berilgen.
