Maqtaaral aýdanyndaǵy sý tasqyny barsha jurtty alańdatyp otyr. Qazirgi tańda atalǵan aimaqta 4 eldi mekennen 5400 adam evakýatsiialandy, dep habarlaidy "Ult aqparat" oblys ákiminiń baspasóz qyzmetine silteme jasap.
Turǵyndardyń birazy týys-týǵanyna ketse, úsh myńǵa jýyǵy Maqtaaral aýdany, Atakent kentindegi 10 mektepke bólip ornalastyryldy. Azyq-túlik, ystyq tamaqpen tolyq qamtamasyz etildi.
Atap óteiik, kórshiles Jetisai aýdany COVID-19 infektsiiasynyń oblystaǵy birden bir oshaǵy bolyp tabylatyndyqtan, kópshiligin qazirgi tańda osy saýal alańdatýda. Oblystyq densaýlyq saqtaý basqarmasynyń málimetinshe, Jetisai aýdanyndaǵy infektsiialyq aýrýhanada oblys boiynsha 32 naýqas em alyp jatsa, Maqtaaral aýdanynyń aýrýhanalarynda birde-bir naýqas joq.
Dárigerler qazirgi tańda evakýatsiialanǵan halyqty indetten saqtaý boiynsha barlyq sharany qolǵa aldy. Halyqqa antiseptik, betperde, qolǵap tegin taratylyp, ár azamattyń dene qyzýy teplovizormen tekserilýde.
