Túrkistan oblysynyń Jetisai aýdandyq politsiia bólimine jergilikti turǵyndardyń biri shaǵymdanyp, maýsym aiynan beri kámeletke tolmaǵan qyzynan belgisiz bir qyzdyń aqsha bopsalap júrgenin aitqan, dep habarlaidy Polisia.kz.
Saitta taraǵan aqparattarǵa qaraǵanda, aqsha bopsalaýshy jábirlenýshiniń qyzynyń intimdik sýretterin jelige jariialaimyn dep qorqytqan.
Osyǵan bailanysty búgingi kúnge deiin kúdikti jábirlenýshilerden million teńge bopsalaǵan. Politsiia qyzmetkerleri bul jaitty QR QK-niń 194-babyna sáikes, «Bopsalaý» sotqa deiingi tergeýdiń biryńǵai tizilimine tirkegen.
Kúdiktiniń kim ekenin anyqtaý maqsatynda Jetisai aýdandyq politsiia bóliminiń kriminaldyq politsiia qyzmetkerleri jedel-izdestirý is-sharalaryn júrgizdi. Nátijesinde, politseiler kúdiktini jábirlenýshiden 120 myń teńge bopsalap jatqan jerinen ustady. Ustalǵan azamat Maqtaaral aýdanynyń turǵyny bolyp shyqty. Odan aiǵaqty zat retinde aqsha men beinematerialdar tárkilenip alyndy.
«Qazirgi ýaqytta atalǵan jait boiynsha sotqa deiingi tergeý amaldary júrgizilýde. Kúdiktiniń bas sharasy qolhatta. Politseiler oqiǵanyń mán-jaiyn anyqtaýda»,-delingen habarlamada.
