Maqtaaral aýdanyndaǵy Órgebas aýylynyń turǵyndary sý tasqynynda zaqym kelgen úilerin buzyp, ornyna salynatyn jańa baspananyń qurylysyna kirisip ketti. Aýyl turǵyndarynyń árqaisysyna Úkimet rezervinen bólingen 17 mln teńgeniń jarty aqshasy berilip jatyr, dep habarlaidy "Ult aqparat".
Atalǵan aýylda jalpy 190 úi bar bolsa, búginde onyń 168 úi iesine 8,5 mln teńge aýdarylǵan. Qalǵan otbasylarmen kelesimshart jasalyp jatyr. Bólingen qarajattyń kólemi jergilikti halyqqa úsh bólikpen aýdarylatyn bolady. Qazirgi tańda Órgebas aýylynda 118 úi kúrelip, 35 úidiń irgetasy quiylyp jatyr. Sondai-aq, úsh úidiń qabyrǵasy qalana bastaǵan.
«Memleketten berilgen 8,5 million teńgeni alyp, óz qalaýymyzsha úi salyp jatyrmyz. Qabyrǵasyn kirpishten qalaimyn dep josparlaǵanmyn. Qurylysty eki aida aiaqtap, kún sýyǵanǵa deiin úige kirip alamyz dep otyrmyz. Jumysshylar jetkilikti, qarjy ýaqytynda aýdaryldy», - deidi aýyl turǵyndarynyń biri Malybek Joldasov.
Al, reseilik Álisher Ýsmanov qorynyń 1 000 dollarlyq járdemaqysy aýyldyń 105 januiasyna berilgen. Ózge otbasylardyń qujaty rásimdelip jatyr.
Aita keteiik, aýyldaǵy úilerdi kúreý men qurylys jumystaryna 54 jumysshy men 9 tehnika jumyldyrylǵan.
