ماقتاارال اۋدانىنداعى ٶرگەباس اۋىلىنىڭ تۇرعىندارى سۋ تاسقىنىندا زاقىم كەلگەن ٷيلەرٸن بۇزىپ, ورنىنا سالىناتىن جاڭا باسپانانىڭ قۇرىلىسىنا كٸرٸسٸپ كەتتٸ. اۋىل تۇرعىندارىنىڭ ەرقايسىسىنا ٷكٸمەت رەزەرۆٸنەن بٶلٸنگەن 17 ملن تەڭگەنٸڭ جارتى اقشاسى بەرٸلٸپ جاتىر, دەپ حابارلايدى "ۇلت اقپارات".
اتالعان اۋىلدا جالپى 190 ٷي بار بولسا, بٷگٸندە ونىڭ 168 ٷي يەسٸنە 8,5 ملن تەڭگە اۋدارىلعان. قالعان وتباسىلارمەن كەلەسٸمشارت جاسالىپ جاتىر. بٶلٸنگەن قاراجاتتىڭ كٶلەمٸ جەرگٸلٸكتٸ حالىققا ٷش بٶلٸكپەن اۋدارىلاتىن بولادى. قازٸرگٸ تاڭدا ٶرگەباس اۋىلىندا 118 ٷي كٷرەلٸپ, 35 ٷيدٸڭ ٸرگەتاسى قۇيىلىپ جاتىر. سونداي-اق, ٷش ٷيدٸڭ قابىرعاسى قالانا باستاعان.
«مەملەكەتتەن بەرٸلگەن 8,5 ميلليون تەڭگەنٸ الىپ, ٶز قالاۋىمىزشا ٷي سالىپ جاتىرمىز. قابىرعاسىن كٸرپٸشتەن قالايمىن دەپ جوسپارلاعانمىن. قۇرىلىستى ەكٸ ايدا اياقتاپ, كٷن سۋىعانعا دەيٸن ٷيگە كٸرٸپ الامىز دەپ وتىرمىز. جۇمىسشىلار جەتكٸلٸكتٸ, قارجى ۋاقىتىندا اۋدارىلدى», - دەيدٸ اۋىل تۇرعىندارىنىڭ بٸرٸ مالىبەك جولداسوۆ.
ال, رەسەيلٸك ەليشەر ۋسمانوۆ قورىنىڭ 1 000 دوللارلىق جەردەماقىسى اۋىلدىڭ 105 جانۇياسىنا بەرٸلگەن. ٶزگە وتباسىلاردىڭ قۇجاتى رەسٸمدەلٸپ جاتىر.
ايتا كەتەيٸك, اۋىلداعى ٷيلەردٸ كٷرەۋ مەن قۇرىلىس جۇمىستارىنا 54 جۇمىسشى مەن 9 تەحنيكا جۇمىلدىرىلعان.
