Qazaqstan Respýblikasy Táýelsizdiginiń 27 jyldyq merekesinde Maqtaaral aýdanynyń ákimi Baqyt Asanov 1991 jyly týylyp, qazirgi tańda túrli salada qyzmet etip júrgen belsendi jastarmen «Táýelsizdik qurdastary» atty kezdesý keshin ótkizdi. Jiyn barysy erkin formatta órbip, táýelsizdigimizdiń qurdastary aýdan basshysymen ashyq-jarqyn suhbat qurdy.
«Qurmetti jastar! Sizderdi eń uly merekemiz – Respýblikamyzdyń Táýelsizdigi kúnimen quttyqtaimyn. Biz jeriniń asty bailyqqa, jeriniń ústi parasatty halyqqa toly Qazaq eliniń Táýelsizdiginiń 27 jyldyǵyn zor qýanyshpen qarsy alyp otyrmyz. Ár qaisyńyz óz ómir joldaryn tapqan bilikti maman, úlgili otbasy, aýdanymyzdyń maqtanyshysyzdar. Osyndai aitýly mereke qarsańynda egemen elimizdiń igiligi jolyndaǵy isterińizge mol tabys, januialaryńyzǵa bereke-birlik, denderińizge saýlyq tileimin. Kieli Maqtaaral aýdanynyń damýyna osylaisha óz úlesterińizdi qosyp júre berińizder!» - dedi izgi tilegin arnaǵan Baqyt Násirhanuly.
Kezdesýge memlekettik qyzmet, prokýratýra, ishki ister, kásipkerlik, densaýlyq, bilim, aqparat, óner, sport salasynda qyzmet etip júrgen eń belsendi jastar qatysty. Olar óz salalaryn damytýǵa baǵyttalǵan oilaryn ashyq aityp, keibir keleli máselelerdi sheshýge arnalǵan usynystaryn aýdan basshysyna jetkizdi.
Kezdesý keshinde aýdan ákimi B.Asanov jastardy alǵys hatpen marapattap, arnaiy daiyndalǵan syilyqtaryn tabystady. Sondai-aq, aýdan jastaryn táýelsizdigimizdi nyǵaitýǵa shaqyrý úshin Úndeý jariialanyp, belsendi jastar tarapynan qoldaý tapty.
