قازاقستان رەسپۋبليكاسى تەۋەلسٸزدٸگٸنٸڭ 27 جىلدىق مەرەكەسٸندە ماقتاارال اۋدانىنىڭ ەكٸمٸ باقىت اسانوۆ 1991 جىلى تۋىلىپ, قازٸرگٸ تاڭدا تٷرلٸ سالادا قىزمەت ەتٸپ جٷرگەن بەلسەندٸ جاستارمەن «تەۋەلسٸزدٸك قۇرداستارى» اتتى كەزدەسۋ كەشٸن ٶتكٸزدٸ. جيىن بارىسى ەركٸن فورماتتا ٶربٸپ, تەۋەلسٸزدٸگٸمٸزدٸڭ قۇرداستارى اۋدان باسشىسىمەن اشىق-جارقىن سۇحبات قۇردى.
«قۇرمەتتٸ جاستار! سٸزدەردٸ ەڭ ۇلى مەرەكەمٸز – رەسپۋبليكامىزدىڭ تەۋەلسٸزدٸگٸ كٷنٸمەن قۇتتىقتايمىن. بٸز جەرٸنٸڭ استى بايلىققا, جەرٸنٸڭ ٷستٸ پاراساتتى حالىققا تولى قازاق ەلٸنٸڭ تەۋەلسٸزدٸگٸنٸڭ 27 جىلدىعىن زور قۋانىشپەن قارسى الىپ وتىرمىز. ەر قايسىڭىز ٶز ٶمٸر جولدارىن تاپقان بٸلٸكتٸ مامان, ٷلگٸلٸ وتباسى, اۋدانىمىزدىڭ ماقتانىشىسىزدار. وسىنداي ايتۋلى مەرەكە قارساڭىندا ەگەمەن ەلٸمٸزدٸڭ يگٸلٸگٸ جولىنداعى ٸستەرٸڭٸزگە مول تابىس, جانۇيالارىڭىزعا بەرەكە-بٸرلٸك, دەندەرٸڭٸزگە ساۋلىق تٸلەيمٸن. كيەلٸ ماقتاارال اۋدانىنىڭ دامۋىنا وسىلايشا ٶز ٷلەستەرٸڭٸزدٸ قوسىپ جٷرە بەرٸڭٸزدەر!» - دەدٸ ٸزگٸ تٸلەگٸن ارناعان باقىت نەسٸرحانۇلى.
كەزدەسۋگە مەملەكەتتٸك قىزمەت, پروكۋراتۋرا, ٸشكٸ ٸستەر, كەسٸپكەرلٸك, دەنساۋلىق, بٸلٸم, اقپارات, ٶنەر, سپورت سالاسىندا قىزمەت ەتٸپ جٷرگەن ەڭ بەلسەندٸ جاستار قاتىستى. ولار ٶز سالالارىن دامىتۋعا باعىتتالعان ويلارىن اشىق ايتىپ, كەيبٸر كەلەلٸ مەسەلەلەردٸ شەشۋگە ارنالعان ۇسىنىستارىن اۋدان باسشىسىنا جەتكٸزدٸ.
كەزدەسۋ كەشٸندە اۋدان ەكٸمٸ ب.اسانوۆ جاستاردى العىس حاتپەن ماراپاتتاپ, ارنايى دايىندالعان سىيلىقتارىن تابىستادى. سونداي-اق, اۋدان جاستارىن تەۋەلسٸزدٸگٸمٸزدٸ نىعايتۋعا شاقىرۋ ٷشٸن ٷندەۋ جارييالانىپ, بەلسەندٸ جاستار تاراپىنان قولداۋ تاپتى.
