Maqtaaral aýdanynyń 90 jyldyq merekesine arnalǵan saltanaty sharanyń shymyldyǵy «Maqtaaralym - mereili mekenim» atty mýzykalyq teatrlandyrylǵan qoiylymymen túrildi. Ǵasyrǵa bergisiz ýaqytta tarihi kezeńderdi ótkergen aýdannyń aitýly kúnine jergilikti turǵyndarmen qosa Ózbekstan Respýblikasy Syrdariia oblysynan ataryltyp kelgen delegattar qatysty.
«Aq altyn» mádeniet úiinde ótken mereili merekege ortaqtasqan oblysy ákimi Janseiit Túimebaev eńbekqor maqtaaraldyqtarǵa degen izgi tilegin jetkizdi.
«Oblysymyzdyń basqa aýdandary siiaqty maqtaly Maqtaaraldyń da tarihy óte bai. Alǵashynda Myrzashól ataýymen belgili bolǵan bul mekenniń ereksheligi – jeriniń jomarttyǵynda. Maqtaaraldyqtardyń eren eńbegi men aqyly – shól dalany gúldi, jaziraly jánnát mekenge ainaldyrdy. Myrzashól dalasyn sýlandyrýdaǵy negizgi maqsat – maqta alqabyn molaitý edi. Alǵash ret aýdanda maqta sharýashylyqtary qurylyp jatqanda Túrkistan jer sharýashylyǵy halyq komissary qyzmetin atqaryp júrgen ult maqtanyshy Sultanbek Qojanov kanaldy qazýshylarmen bolǵan kezdesýinde maqtanyń asa qymbat shikizat ekenin, bolashaqta aq altyn kúlli Túrkistan ólkesiniń bailyǵy bolatynyn aitqan eken. Mine, Elbasymyzdyń tikelei qoldaýymen Túrkistan oblysynyń jańa dáýiri bastalyp keledi. Oblysymyzdyń qiyr ońtústiginde ornalasqan, aq altynnyń ordasy – maqtaly Maqtaaral aýdanynyń merekesi bárimizge ortaq. Maqsat — toi toilaý emes, bir ǵasyrǵa jýyq ýaqyt aralyǵyndaǵy oqiǵalardy oi eleginen ótkizý. Eldiń birligin nyǵaityp, igi iske jumyldyrý», – dedi Janseiit Qanseiituly.
Óńir basshysy kelesi kezekte Myrzakent kentiniń ortalyq alańyndaǵy kúzgi jiyn-terim naýqanyn qorytyndylaýǵa arnalǵan «Altyn kúz – 2018» is-sharasynyń bel ortasynan tabyldy. Biylǵy jyly maqtaaraldyq diqandar 60 926,3 gektar jerge egistik ekse, onyń 38 593,2 gektary maqta daqylyna tiesili. Aýdan boiynsha búginge deiin 96 myń 600 tonna «aq altyn» jinalǵan.
Biyl qazaq maqtasyna 100 jyl tolyp otyr. Osyǵan orai aimaq basshysy Atakent kentindegi «Qazaq maqta sharýashylyǵy» ǵylymi zertteý institýtynda ótken Qazaq maqtasynyń 100 jyldyǵyna arnalǵan halyqaralyq ǵylymi-teoriialyq konferentsiiasyna qatysty.
Maqtaaral aýdanynyń 90 jyldyq mereitoiy «Terme – boitumarym» atty termeshiler baiqaýy, «Palaý festivali» is-sharasy, jastar arasyndaǵy jaidarman oiyndarynan soń aýdan ónerpazdarynyń merekelik kontsertine ulasty.
3 kúnge josparlanǵan shara «Alpamys batyr» stadionynda taýar óndirýshiler men qolónershiler kórmesi, «Baýyrsaq festivali» is-sharasy jáne búkil qazaqtyń delebesin qozdyrǵan kókpar alamany oiynymen qorytyndylandy.
