ماقتاارال اۋدانىنىڭ 90 جىلدىق مەرەكەسٸنە ارنالعان سالتاناتى شارانىڭ شىمىلدىعى «ماقتاارالىم - مەرەيلٸ مەكەنٸم» اتتى مۋزىكالىق تەاترلاندىرىلعان قويىلىمىمەن تٷرٸلدٸ. عاسىرعا بەرگٸسٸز ۋاقىتتا تاريحي كەزەڭدەردٸ ٶتكەرگەن اۋداننىڭ ايتۋلى كٷنٸنە جەرگٸلٸكتٸ تۇرعىندارمەن قوسا ٶزبەكستان رەسپۋبليكاسى سىردارييا وبلىسىنان اتارىلتىپ كەلگەن دەلەگاتتار قاتىستى.
«اق التىن» مەدەنيەت ٷيٸندە ٶتكەن مەرەيلٸ مەرەكەگە ورتاقتاسقان وبلىسى ەكٸمٸ جانسەيٸت تٷيمەباەۆ ەڭبەكقور ماقتاارالدىقتارعا دەگەن ٸزگٸ تٸلەگٸن جەتكٸزدٸ.
«وبلىسىمىزدىڭ باسقا اۋداندارى سيياقتى ماقتالى ماقتاارالدىڭ دا تاريحى ٶتە باي. العاشىندا مىرزاشٶل اتاۋىمەن بەلگٸلٸ بولعان بۇل مەكەننٸڭ ەرەكشەلٸگٸ – جەرٸنٸڭ جومارتتىعىندا. ماقتاارالدىقتاردىڭ ەرەن ەڭبەگٸ مەن اقىلى – شٶل دالانى گٷلدٸ, جازيرالى جەننەت مەكەنگە اينالدىردى. مىرزاشٶل دالاسىن سۋلاندىرۋداعى نەگٸزگٸ ماقسات – ماقتا القابىن مولايتۋ ەدٸ. العاش رەت اۋداندا ماقتا شارۋاشىلىقتارى قۇرىلىپ جاتقاندا تٷركٸستان جەر شارۋاشىلىعى حالىق كوميسسارى قىزمەتٸن اتقارىپ جٷرگەن ۇلت ماقتانىشى سۇلتانبەك قوجانوۆ كانالدى قازۋشىلارمەن بولعان كەزدەسۋٸندە ماقتانىڭ اسا قىمبات شيكٸزات ەكەنٸن, بولاشاقتا اق التىن كٷللٸ تٷركٸستان ٶلكەسٸنٸڭ بايلىعى بولاتىنىن ايتقان ەكەن. مٸنە, ەلباسىمىزدىڭ تٸكەلەي قولداۋىمەن تٷركٸستان وبلىسىنىڭ جاڭا دەۋٸرٸ باستالىپ كەلەدٸ. وبلىسىمىزدىڭ قيىر وڭتٷستٸگٸندە ورنالاسقان, اق التىننىڭ ورداسى – ماقتالى ماقتاارال اۋدانىنىڭ مەرەكەسٸ بەرٸمٸزگە ورتاق. ماقسات — توي تويلاۋ ەمەس, بٸر عاسىرعا جۋىق ۋاقىت ارالىعىنداعى وقيعالاردى وي ەلەگٸنەن ٶتكٸزۋ. ەلدٸڭ بٸرلٸگٸن نىعايتىپ, يگٸ ٸسكە جۇمىلدىرۋ», – دەدٸ جانسەيٸت قانسەيٸتۇلى.
ٶڭٸر باسشىسى كەلەسٸ كەزەكتە مىرزاكەنت كەنتٸنٸڭ ورتالىق الاڭىنداعى كٷزگٸ جيىن-تەرٸم ناۋقانىن قورىتىندىلاۋعا ارنالعان «التىن كٷز – 2018» ٸس-شاراسىنىڭ بەل ورتاسىنان تابىلدى. بيىلعى جىلى ماقتاارالدىق ديقاندار 60 926,3 گەكتار جەرگە ەگٸستٸك ەكسە, ونىڭ 38 593,2 گەكتارى ماقتا داقىلىنا تيەسٸلٸ. اۋدان بويىنشا بٷگٸنگە دەيٸن 96 مىڭ 600 توننا «اق التىن» جينالعان.
بيىل قازاق ماقتاسىنا 100 جىل تولىپ وتىر. وسىعان وراي ايماق باسشىسى اتاكەنت كەنتٸندەگٸ «قازاق ماقتا شارۋاشىلىعى» عىلىمي زەرتتەۋ ينستيتۋتىندا ٶتكەن قازاق ماقتاسىنىڭ 100 جىلدىعىنا ارنالعان حالىقارالىق عىلىمي-تەورييالىق كونفەرەنتسيياسىنا قاتىستى.
ماقتاارال اۋدانىنىڭ 90 جىلدىق مەرەيتويى «تەرمە – بويتۇمارىم» اتتى تەرمەشٸلەر بايقاۋى, «پالاۋ فەستيۆالٸ» ٸس-شاراسى, جاستار اراسىنداعى جايدارمان ويىندارىنان سوڭ اۋدان ٶنەرپازدارىنىڭ مەرەكەلٸك كونتسەرتٸنە ۇلاستى.
3 كٷنگە جوسپارلانعان شارا «الپامىس باتىر» ستاديونىندا تاۋار ٶندٸرۋشٸلەر مەن قولٶنەرشٸلەر كٶرمەسٸ, «باۋىرساق فەستيۆالٸ» ٸس-شاراسى جەنە بٷكٸل قازاقتىڭ دەلەبەسٸن قوزدىرعان كٶكپار الامانى ويىنىمەن قورىتىندىلاندى.
