Maqtaaral aýdanynyń 10 eldi mekeni qaýipti aimaqta ornalasqan. Búginde Jańaturmys, Jeńis, Firdoýsi, Órgebas, Dostyq syndy bes eldimekende qaýip seiildi, dep habarlaidy "Ult aqparat".
Oblys ákiminiń orynbasary Sáken Qalqamanovtyń aitýynsha, sý astynda qalǵan 5 eldimekende oblys ákimdigi, Tótenshe jaǵdailar departamenti, QazSÝShar jáne aýyl turǵyndarynan quralǵan volonterlerdiń kómegimen qaýipsizdik sharalary júrgizýlýde. Uiymdasqan tirliktiń arqasynda strategiialyq mańyzy zor 14 myńnan astam halqy bar Myrzakent eldimekeni tasqyn sýdan aman qaldy.Jýrnalisterge arnap brifing ótkizgen oblys ákiminiń orynbasary Maqtaaral aýdanynda sý basý qaýpi bar eldimekender ainalasyna bógetter turǵyzylǵanyn jetkizdi.
Atap aitqanda, Nurly jol eldimekeni aýmaǵynda uzyndyǵy 2,5 m, biiktigi 1,5 m. bolatyn bóget soǵyldy. Firdoýsi eldi mekeninen Myrzakent eldimekenine qarai 3 kollektor ornalastyryldy. Órgebas eldimekeniniń aýmaǵynda uzyndyǵy 20 m, biiktigi 1 m. bolatyn bóget jasalsa, Yrysty aýylynda biiktigi 0,5 m, uzyndyǵy 40 m. bóget soǵyldy.
Sondai-aq, Jantaqsai eldimekeniniń mańynan uzyndyǵy 800 m. bolatyn bóget turǵyzyldy.
Sonymen qatar, kórshi Jetisai aýdanynda Qoǵaly aýylynyń avtomobil jolynyń boiynda uzyndyǵy 500 metrden asatyn bóget salý arqyly nyǵaitý jumystary júrgizilýde.
«Atalǵan jumystarǵa 649 adam, 15 dana tehnika jumyldyrylǵan. Onyń ishinde jergilikti ákimdikten 13 tehnika, 15 adam, TJD 30 adam, Politsiia Departamentinen 4 adam, 2 tehnika jáne 600-den astam eriktiler bar.Kórshi Jetisai aýdanynda Qoǵaly aýylynyń avtomobil jolynyń boiynda uzyndyǵy 500 metrden asatyn bóget salý arqyly nyǵaitý jumystary júrgizilýde. Atalǵan jumysqa 649 adam, 15 dana tehnika jumyldyrylǵan. Onyń ishinde erekshe atap ótetini jergilikti 600-den astam volonterlerdiń jumysy. Janashyrlarǵa alǵysymyzdy bildiremiz»,- dedi Sáken Qalqamanov.
