Sońǵy birneshe táýlik ishinde Maqtaaral aýdany aýmaǵynda pnevmoniianyń virýsty túri men COVID-19 belgileri bar azamattardyń sany artqan. Osyǵan bailanysty aýdan ákimi B.Asanovtyń tapsyrmasyna sáikes tiisti sharalar qabyldandy, dep habarlaidy aýdandyq ákimdiktiń baspasóz qyzmeti.
Aýdannyń bas sanitar dárigeriniń qaýlysy negizinde aýdan kóleminde 14-28 qańtar aralyǵynda epidemiologiialyq jaǵdai turaqtalǵanǵa deiin qatańdatylǵan karantin jáne shekteý sharalary engizildi. Qaýlyda kórsetilgen talaptar qatań saqtalýy talap etiledi.
Jáne koronavirýstyq infektsiia men pnevmoniianyń virýstyq túri anyqtalǵan azamattar, úilerinde oqshaýlanǵan otbasylar 14 kúndik karantin rejimin buzýǵa jol bermeýi qajet. Bul jóninde aýdan quramynda quqyq qorǵaý organ qyzmetkerleri men ákimdik ókilderinen turatyn jedel mobildi top ókilderi túsindirý jumystaryn atqarady. Karantin tártibin buzǵan jaǵdaida ákimshilik shara qarastyrylyp, bekitilgen kólemde aiyppul salynady
