Izrailge ketken ázilkesh ári telejúrgizýshi Maksim Galkin Instagram-da BAQ ókilderine arnap videoúndeý jariialady, - dep habarlaidy Tengrinews.kz tilshisi.
"Keibir BAQ ókilderi kontsertterimnen úzindi taratyp, meni jaman kórsetýge tyrysyp júr. Osyǵan deiin 28 jyl óner kórsetken, turǵan Reseige jamandyq jasaǵan emespin.
Osy 28 jyl boiy saiasatkerlerge, orys halqyn tonap júrgen ailaker, aianyshty úgitshiler men jemqor sheneýnikterge parodiia jasap, kelemejdedim. Al satirik retinde buǵan quqyǵym bar. Qazirde osylai jasaimyn. Meniń qazirgi spektaklderim osy jyldar ishinde Reseidiń kóptegen qalalarynda bolǵan spektaklderden esh aiyrmashylyǵy joq. Men qashan da halyq jaǵynda boldym.
Sondyqtan, men halyqtyń beibitshilikte, bailyqta ómir súrgenin qalaimyn. Sondyqtan, ázil-qaljyńǵa toly sózimmen jáne isimmen súiikti Reseiimniń damýyna kedergi jasap jatqandardy shamam kelgenshe mazaq etemin", - dedi Galkin.
Galkinniń videosyn jubaiy Alla Pýgacheva Instagram jelisinde jariialady.
