Qazaqstandyq Maksim Aryshevtyń dostary qaza tapqan jigittiń atyna Sankt-Peterbýrg metrosynda eskertkish taqta ornatyp beredi, - dep habarlaidy kaz.tengrinews.kz. Bul týraly stýdenttiń dosy Roma Zedelashvili áleýmettik jelilerde jazdy.
"Aryshev Maksim Vitalevich. 18.08.1996 - 03.04.17. Tamasha adam edi. Osy ýaqyt boiy bizge Maksimnyń dostary men jai tanystary jazdy. Olar onymen qoshtasýǵa múmkindik bar ma jáne qalai kómektese alatyndaryn surap jatty. Dostar, sizderdiń barlyǵyńyzǵa jaýap bereiin. Biz sizderdiń qoldaýlaryńyzǵa alǵys aitamyz. 5 sáýirde "Sennaia ploshad" stantsiiasynda saǵat 20.00-de eskertkish taqta ornatylady. Sizderdi saǵat 19.45-te kútemiz", - dep jazdy qaza tapqan stýdenttiń dosy Roma Zedelashvili.
Keshe qazaqstandyq Maksim Aryshevtyń Sankt-Peterbýrgte bolǵan teraktiden qaza tapqany jaily habarlanǵan bolatyn. QR SIM ókilderi men Sankt-Peterbýrgtegi qazaqstandyq diplomattar Maksim Aryshevtyń týystaryna barynsha kómek kórsetedi, sondai-aq, olar qaza tapqan stýdenttiń denesin otanyna jetkizý máselesine de kómek beredi.
Maksim Aryshev - Sankt-Peterbýrgtegi Memlekettik ekonomikalyq ýniversitettiń 3-kýrs stýdenti. Ol "Aqparattyq júieler men tehnologiialar" mamandyǵy boiynsha bilim alady. Oqý ornynyń saityndaǵy málimetterge qaraǵanda, onyń oqý úlgerimi jaqsy. Maksim ózi Almatydan, "Dostar" halyqaralyq mektep-litseiinde oqyǵan. "Ol mektepti 2014 jyly bitirdi. Sabaqty jaqsy oqydy. Orta mektepti jaqsy baǵamen bitirdi. Altyn medalǵa bitirgen joq, biraq oqýdy jaqsy aiaqtady. Alańdatatyn jaǵymsyz jaǵdai bolyp tur. Barlyǵymyz ol úshin alańdap otyrmyz", - degen edi "Dostar" halyqaralyq mektep-litseiiniń meńgerýshisi.
Sondai-aq, qazaqstandyqtyń dostary Maksim Aryshev týraly aityp bergen edi.
Osylaisha, 3 sáýirde Sankt-Peterbýrg metrosynda bolǵan jarylystan kem degende 11 adam qaza tapty, zardap shekkender sany 50-ge jetti.
