قازاقستاندىق ماكسيم ارىشەۆتىڭ دوستارى قازا تاپقان جٸگٸتتٸڭ اتىنا سانكت-پەتەربۋرگ مەتروسىندا ەسكەرتكٸش تاقتا ورناتىپ بەرەدٸ, - دەپ حابارلايدى kaz.tengrinews.kz. بۇل تۋرالى ستۋدەنتتٸڭ دوسى روما زەدەلاشۆيلي ەلەۋمەتتٸك جەلٸلەردە جازدى.
"ارىشەۆ ماكسيم ۆيتالەۆيچ. 18.08.1996 - 03.04.17. تاماشا ادام ەدٸ. وسى ۋاقىت بويى بٸزگە ماكسيمنىڭ دوستارى مەن جاي تانىستارى جازدى. ولار ونىمەن قوشتاسۋعا مٷمكٸندٸك بار ما جەنە قالاي كٶمەكتەسە الاتىندارىن سۇراپ جاتتى. دوستار, سٸزدەردٸڭ بارلىعىڭىزعا جاۋاپ بەرەيٸن. بٸز سٸزدەردٸڭ قولداۋلارىڭىزعا العىس ايتامىز. 5 سەۋٸردە "سەننايا پلوششاد" ستانتسيياسىندا ساعات 20.00-دە ەسكەرتكٸش تاقتا ورناتىلادى. سٸزدەردٸ ساعات 19.45-تە كٷتەمٸز", - دەپ جازدى قازا تاپقان ستۋدەنتتٸڭ دوسى روما زەدەلاشۆيلي.
كەشە قازاقستاندىق ماكسيم ارىشەۆتىڭ سانكت-پەتەربۋرگتە بولعان تەراكتٸدەن قازا تاپقانى جايلى حابارلانعان بولاتىن. قر سٸم ٶكٸلدەرٸ مەن سانكت-پەتەربۋرگتەگٸ قازاقستاندىق ديپلوماتتار ماكسيم ارىشەۆتىڭ تۋىستارىنا بارىنشا كٶمەك كٶرسەتەدٸ, سونداي-اق, ولار قازا تاپقان ستۋدەنتتٸڭ دەنەسٸن وتانىنا جەتكٸزۋ مەسەلەسٸنە دە كٶمەك بەرەدٸ.
ماكسيم ارىشەۆ - سانكت-پەتەربۋرگتەگٸ مەملەكەتتٸك ەكونوميكالىق ۋنيۆەرسيتەتتٸڭ 3-كۋرس ستۋدەنتٸ. ول "اقپاراتتىق جٷيەلەر مەن تەحنولوگييالار" ماماندىعى بويىنشا بٸلٸم الادى. وقۋ ورنىنىڭ سايتىنداعى مەلٸمەتتەرگە قاراعاندا, ونىڭ وقۋ ٷلگەرٸمٸ جاقسى. ماكسيم ٶزٸ الماتىدان, "دوستار" حالىقارالىق مەكتەپ-ليتسەيٸندە وقىعان. "ول مەكتەپتٸ 2014 جىلى بٸتٸردٸ. ساباقتى جاقسى وقىدى. ورتا مەكتەپتٸ جاقسى باعامەن بٸتٸردٸ. التىن مەدالعا بٸتٸرگەن جوق, بٸراق وقۋدى جاقسى اياقتادى. الاڭداتاتىن جاعىمسىز جاعداي بولىپ تۇر. بارلىعىمىز ول ٷشٸن الاڭداپ وتىرمىز", - دەگەن ەدٸ "دوستار" حالىقارالىق مەكتەپ-ليتسەيٸنٸڭ مەڭگەرۋشٸسٸ.
سونداي-اق, قازاقستاندىقتىڭ دوستارى ماكسيم ارىشەۆ تۋرالى ايتىپ بەرگەن ەدٸ.
وسىلايشا, 3 سەۋٸردە سانكت-پەتەربۋرگ مەتروسىندا بولعان جارىلىستان كەم دەگەندە 11 ادام قازا تاپتى, زارداپ شەككەندەر سانى 50-گە جەتتٸ.
