Ónerkásipti damytý qory AQ-nyń IT-departament basshysy Sáken Sábiev jeńildetilgen avtonesiege ótinimin alǵashqylardyń biri bolyp tirkep, áleýmettik jelidegi memderdiń keiipkerine ainalǵan Maqsat esimdi azamat týraly pikir bildirdi, - dep habarlaidy Massaget.kz.
"Maqsat esimdi azamattyń limit kezegine sátti tirkelgenin rastaimyz. Biraq saǵat 7.00-de emes. Men onyń ótinimin ózi nemese bógde bireý basqa bir tásilmen redaktsiialady ma, ol jaǵyn bilmeimin. Ol ótinim saǵat 10.00, 36 dolisekýndta berildi. Qalai bolsa da, saǵat 7.00-de emes. Ony dáleldeitin skrinder qolymyzda bar", - dedi Sábiev.
Onyń aitýynsha, jeńildetilgen avtonesieni rásimdeý úshin 14 sekýnd jetkilikti.
"Men video nusqaý jazdym, ony keiin vizýaldy bóligin jasaý úshin SMM bólimine jiberdim. Meniń videom shamamen 14 sekýndqa sozyldy", - dep qosty IT-departament basshysy.
