Belgili bloger Maqsat Jaqaý óziniń feisbýk paraqshasynda «It joqta kókek dempartiia úredi» degen taqyryppen qoǵamdy selt etkizer post jariialady. Onyń bul jazbasy J.Mamai men onyń tirkelmegen dempartiiasy tóńiregindegi ashyq pikiri desek te bolady.
«Qazaqta «kúl bolmasań, búl bol» deýshi me edi. Rasynda saiasattyń teoriiasy men praktikasynan habardar adam, búgingi bolyp jatqan qazaq qoǵamyndaǵy psevdosaiasatker, psevdojýrnalist, psevdoultshyl balabatyr Janbolat Mamaidyń árbir qylyǵyn qaperine almaityn jaǵdaiǵa jetti» - delingen jazbada.
Blogerdiń pikirinshe, Mamai qarapaiym tilmen aitqanda nan qymbattasa da, siyr sýalyp ketse de, qoradaǵy shóp órtense de atoilap, uran salyp qoǵamdy sharshatqan.
Ol bul týraly oiyn «Mamaiskii dempartiiaǵa qarasaq, týra jeńiltek qyzdyń qylyǵy, birde jylap, birde kúlip, birde aiqailai jóneletin turaqsyz, negizsiz árekettermen kórinip júr. Kimge kerek bul saiqymazaqtyq?!
Qoǵam bastapqyda, bir sengendei bolyp edi, artynsha árbir uiaǵa óz jumyrtqasyn tastap júre beretin jeńiltek kókek («kýkýshka») partiiasynyń jeńil júrisine mán de bermeitin boldy. Ol zańdy da, ne qaldy onda aqylǵa qonymdy...», - dep jalǵastyrady.
Sonymen qatar, ol Mamaiǵa ergenderge kósheniń burysh-buryshynda qur aiqaimen elimizdiń keshendi saiasatyn qoparatyndai júgirip júrip, kúlki bolǵansha zańdy jolmen áýeli partiianyń ýstavyn, jarnasyn, baǵdarlamasyn belgilep, bekitse qaitedi dep keiigenin bildire otyryp, bundai saiyqmazaqtyq elimizdiń órkenietti azamattyq qoǵam qurýyna da úlken kedergi bolatyndyǵyn atap ótken.
Mamaidyń áreketteri birese tsirktegi kloýnǵa, birese ár jerden jem shoqyǵan taýyqtarǵa, tipti keide eldi aqymaq kórip soǵan aramza molda bolǵysy keletindei kórinedi dese, qaryzyn jurttan jinaimyn degeni qai sasqany dep otyr.
Onyń oiynsha mundai alaiaqtar bizneste, saiasatta, iaǵni ár salada órip júr. Osyndai alaiaq, qiiali haiperlerge eldi aldaýdy, qoǵamdy orynsyz dúrliktirýdi, jurtty azdyrýdy qoiý kerek dep, aqylymen de bólisken.
Maqsat Jaqaý jazbasynyń sońyn «Zaman iskerlikti, eńbekti, sarabdaldylyqty, parasattylyqty, jasampazdyqty qajet etedi. Bizge de osy kerek!», - dep túiindegen.
