بەلگٸلٸ بلوگەر ماقسات جاقاۋ ٶزٸنٸڭ فەيسبۋك پاراقشاسىندا «يت جوقتا كٶكەك دەمپارتييا ٷرەدٸ» دەگەن تاقىرىپپەن قوعامدى سەلت ەتكٸزەر پوست جارييالادى. ونىڭ بۇل جازباسى ج.ماماي مەن ونىڭ تٸركەلمەگەن دەمپارتيياسى تٶڭٸرەگٸندەگٸ اشىق پٸكٸرٸ دەسەك تە بولادى.
«قازاقتا «كٷل بولماساڭ, بٷل بول» دەۋشٸ مە ەدٸ. راسىندا ساياساتتىڭ تەوريياسى مەن پراكتيكاسىنان حاباردار ادام, بٷگٸنگٸ بولىپ جاتقان قازاق قوعامىنداعى پسەۆدوساياساتكەر, پسەۆدوجۋرناليست, پسەۆدوۇلتشىل بالاباتىر جانبولات مامايدىڭ ەربٸر قىلىعىن قاپەرٸنە المايتىن جاعدايعا جەتتٸ» - دەلٸنگەن جازبادا.
بلوگەردٸڭ پٸكٸرٸنشە, ماماي قاراپايىم تٸلمەن ايتقاندا نان قىمباتتاسا دا, سيىر سۋالىپ كەتسە دە, قوراداعى شٶپ ٶرتەنسە دە اتويلاپ, ۇران سالىپ قوعامدى شارشاتقان.
ول بۇل تۋرالى ويىن «مامايسكيي دەمپارتيياعا قاراساق, تۋرا جەڭٸلتەك قىزدىڭ قىلىعى, بٸردە جىلاپ, بٸردە كٷلٸپ, بٸردە ايقايلاي جٶنەلەتٸن تۇراقسىز, نەگٸزسٸز ەرەكەتتەرمەن كٶرٸنٸپ جٷر. كٸمگە كەرەك بۇل سايقىمازاقتىق?!
قوعام باستاپقىدا, بٸر سەنگەندەي بولىپ ەدٸ, ارتىنشا ەربٸر ۇياعا ٶز جۇمىرتقاسىن تاستاپ جٷرە بەرەتٸن جەڭٸلتەك كٶكەك («كۋكۋشكا») پارتيياسىنىڭ جەڭٸل جٷرٸسٸنە مەن دە بەرمەيتٸن بولدى. ول زاڭدى دا, نە قالدى وندا اقىلعا قونىمدى...», - دەپ جالعاستىرادى.
سونىمەن قاتار, ول مامايعا ەرگەندەرگە كٶشەنٸڭ بۇرىش-بۇرىشىندا قۇر ايقايمەن ەلٸمٸزدٸڭ كەشەندٸ ساياساتىن قوپاراتىنداي جٷگٸرٸپ جٷرٸپ, كٷلكٸ بولعانشا زاڭدى جولمەن ەۋەلٸ پارتييانىڭ ۋستاۆىن, جارناسىن, باعدارلاماسىن بەلگٸلەپ, بەكٸتسە قايتەدٸ دەپ كەيٸگەنٸن بٸلدٸرە وتىرىپ, بۇنداي سايىقمازاقتىق ەلٸمٸزدٸڭ ٶركەنيەتتٸ ازاماتتىق قوعام قۇرۋىنا دا ٷلكەن كەدەرگٸ بولاتىندىعىن اتاپ ٶتكەن.
مامايدىڭ ەرەكەتتەرٸ بٸرەسە تسيركتەگٸ كلوۋنعا, بٸرەسە ەر جەردەن جەم شوقىعان تاۋىقتارعا, تٸپتٸ كەيدە ەلدٸ اقىماق كٶرٸپ سوعان ارامزا مولدا بولعىسى كەلەتٸندەي كٶرٸنەدٸ دەسە, قارىزىن جۇرتتان جينايمىن دەگەنٸ قاي ساسقانى دەپ وتىر.
ونىڭ ويىنشا مۇنداي الاياقتار بيزنەستە, ساياساتتا, ياعني ەر سالادا ٶرٸپ جٷر. وسىنداي الاياق, قييالي حايپەرلەرگە ەلدٸ الداۋدى, قوعامدى ورىنسىز دٷرلٸكتٸرۋدٸ, جۇرتتى ازدىرۋدى قويۋ كەرەك دەپ, اقىلىمەن دە بٶلٸسكەن.
ماقسات جاقاۋ جازباسىنىڭ سوڭىن «زامان ٸسكەرلٸكتٸ, ەڭبەكتٸ, سارابدالدىلىقتى, پاراساتتىلىقتى, جاسامپازدىقتى قاجەت ەتەدٸ. بٸزگە دە وسى كەرەك!», - دەپ تٷيٸندەگەن.
