Maqsat Sqaqov QR Prezidentiniń shtattan tys keńesshisi bolyp taǵaiyndaldy, dep habarlaidy "Ult aqparat" Aqordanyń baspasóz qyzmetine silteme jasap.
«Memleket basshysynyń jarlyǵymen Sqaqov Maqsat Nurlybekuly Qazaqstan Respýblikasy Prezidentiniń shtattan tys keńesshisi bolyp taǵaiyndaldy» delingen habarlamada.
Prezidenttiń jańa shtattan tys keńesshisi 1978 jyly Qyzylorda oblysynda týǵan. Tarih páni muǵalimi, quqyq jáne ekonomika negizderi, memlekettik jáne jergilikti basqarý mamandyqtary boiynsha bilim alady. "Bolashaq" baǵdarlamasy boiynsha AQSh-ta oqyǵan. Filosofiia jáne ekonomika ǵylymdarynyń doktory. Qazaq, orys, aǵylshyn jáne arab tilderin biledi.
Elbasynyń kúzet qyzmetinde eńbek etken. Ulttyq qaýipsizdik komitetiniń ofitseri. Premer-ministr keńesshisi, Mádeniet jáne aqparat ministrliginiń tilder komitetiniń tóraǵasy qyzmetin atqarǵan.
Budan bólek, Maqsat Sqaqov – qazaq kúresinen elordalyq federatsiianyń prezidenti jáne Mańǵystaý oblysy boiynsha djiý-djitsý federatsiiasynyń basshysy. Sporttyq jetistikteri týraly aitsaq, Qazaqstan qarýly kúshteriniń áskeri sambodan chempiony, sambo men dziýdodan halyqaralyq dárejedegi sport sheberi.
