Memleket basshysy Qasym-Jomart Toqaev Frantsiia Prezidenti Emmaniýel Makronǵa qazaqy tazynyń eki kúshigin syilady, dep habarlaidy "Ult aqparat".
Byltyr qarasha aiynda Memleket basshysynyń shaqyrýymen Astanaǵa saparmen kelgen Frantsiia Prezidenti «Etnoaýyl» kórmesin aralap kórip, qazaq halqynyń bai mádeni murasymen tanysqan edi. Kórme ortalyǵyn tamashalaý barysynda Emmaniýel Makronǵa qazaqy tazynyń tuqymy erekshe unaǵan bolatyn. Sol kezde Qasym-Jomart Toqaev frantsiialyq áriptesine tazy syilaýǵa ýáde bergen-tin.
Keiin Parijge qazaqy tazynyń bes ailyq eki kúshigi jetkizildi. Qos tazyny frantsýz veterinarlary tekserip, ýaqytsha karantinge jiberdi. Sondai-aq Frantsiia tarapyna kúshikterdi tamaqtandyrý jáne úiretý jónindegi nusqaýlyq berildi.
Tazy kúshikterine Jiýl jáne Janna degen jarasymdy esim berilgeni málim boldy. Kúshikter Makron otbasynyń Nemo esimdi qara labradorymen «dostasyp» úlgergen. Aitpaqshy, bul itti erli-zaiypty Makrondar 2017 jyly janýarlar panalaityn jerden asyrap alǵan bolatyn.
