Foto: Sputnik Qazaqstan
Frantsiia prezidenti Emmaniýel Makron qazaq mektepterinde frantsýz tilin oqytýdy usyndy. Bul týraly ol Aqordada Memleket basshysy Qasym-Jomart Toqaevpen ótken keńeitilgen kezdesýde aitty, dep habarlaidy Sputnik Qazaqstan.
"Bizge frantsýz tilin oqytý qazaq mektepterine qaita oralǵany óte mańyzdy. Qazirgi jaǵdaidy ózgertýge bar kúsh-jigerimizdi salýǵa daiynbyz. Men bizdiń bilim berý uiymdary arasynda qol qoiylǵan úkimetaralyq kelisimge zor úmit artamyn", - dedi Makron keńeitilgen kezdesýde.
Frantsiia prezidenti 2024 jylǵy qyrkúiekten bastap frantsýz-qazaq ýniversiteti jumys isteitinin atap ótti.
"Stýdentter arasyndaǵy bailanystyń damyǵany, stýdentterimizge arnalǵan stipendiialardyń bolǵany óte mańyzdy. Sondai-aq men Parijde sizdiń elińizdiń mádeni murasyna arnalǵan kórmeni ótkizý týraly bastamańyzdy qoldaimyn. Gime mýzeiiniń tóraǵasy búgin menimen birge keldi, qazir biz kelesi jyly ótkizý múmkindigin talqylaimyz", - dedi Makron.
Aita keteiik, búgin, 1 qarashada Frantsiia prezidenti Emmaniýel Makron Qazaqstanǵa resmi saparmen keldi. Makronnyń sapary bir kúnge sozylady.
