«Osydan 10 jyl buryn «Balapan» telearnasy ashylǵan bolatyn. Men jalpy, «Balapan» telearnasy – Táýelsizdiktiń eń úlken syiy dep esepteimin. Qazaqsha sóilep, qazaqsha oilaityn qazaqtyń sapaly jańa býyny qalyptasty. «Balapan» telearnasy ashylǵaly beri 67 animatsiialyq joba shyqty», - dedi Maqpal Jumabai «Otbasy kúni» aiasynda ulttyq tárbie berý men otbasy qundylyqtaryn damytý máseleleri talqylanǵan dóńgelek ústel otyrysynda.
Telearna basshysy animatsiia salasyna jeke toqtaldy. Onyń aitýynsha, balanyń zeiinine, sanasyna tóte jetýdiń joly – animatsiia.
««Balapan» telearnasy ashylǵaly beri kólemi 18 myń minýtqa jeterlik 67 animatsiialyq joba jariialandy. Bul jumystar jalǵasa beredi. Mysaly qoǵamda ártúrli bastama bar. Latyn qarpindegi qazaq álipbii dep jatyrmyz. Biyl «Balapan» telearnasynda sony úiretetin joba jaryqqa shyqqaly otyr. Ulttyq sýperqaharmandar deimiz, sýperqaharmandardy jasamai, balalardyń betin qazaqqa qaratý óte qiyn. «Balapan» arnasy bul jumysty júieli túrde júzege asyryp kele jatyr. Balalaryńyz ben nemerelerińizden surap kórińiz – olar qazir Aidar bolyp, Ertemir bolyp oinaidy», - dedi ol.
