«وسىدان 10 جىل بۇرىن «Balapan» تەلەارناسى اشىلعان بولاتىن. مەن جالپى, «Balapan» تەلەارناسى – تەۋەلسٸزدٸكتٸڭ ەڭ ٷلكەن سىيى دەپ ەسەپتەيمٸن. قازاقشا سٶيلەپ, قازاقشا ويلايتىن قازاقتىڭ ساپالى جاڭا بۋىنى قالىپتاستى. «Balapan» تەلەارناسى اشىلعالى بەرٸ 67 انيماتسييالىق جوبا شىقتى», - دەدٸ ماقپال جۇماباي «وتباسى كٷنٸ» اياسىندا ۇلتتىق تەربيە بەرۋ مەن وتباسى قۇندىلىقتارىن دامىتۋ مەسەلەلەرٸ تالقىلانعان دٶڭگەلەك ٷستەل وتىرىسىندا.
تەلەارنا باسشىسى انيماتسييا سالاسىنا جەكە توقتالدى. ونىڭ ايتۋىنشا, بالانىڭ زەيٸنٸنە, ساناسىنا تٶتە جەتۋدٸڭ جولى – انيماتسييا.
««Balapan» تەلەارناسى اشىلعالى بەرٸ كٶلەمٸ 18 مىڭ مينۋتقا جەتەرلٸك 67 انيماتسييالىق جوبا جارييالاندى. بۇل جۇمىستار جالعاسا بەرەدٸ. مىسالى قوعامدا ەرتٷرلٸ باستاما بار. لاتىن قارپٸندەگٸ قازاق ەلٸپبيٸ دەپ جاتىرمىز. بيىل «Balapan» تەلەارناسىندا سونى ٷيرەتەتٸن جوبا جارىققا شىققالى وتىر. ۇلتتىق سۋپەرقاھارماندار دەيمٸز, سۋپەرقاھارمانداردى جاساماي, بالالاردىڭ بەتٸن قازاققا قاراتۋ ٶتە قيىن. «Balapan» ارناسى بۇل جۇمىستى جٷيەلٸ تٷردە جٷزەگە اسىرىپ كەلە جاتىر. بالالارىڭىز بەن نەمەرەلەرٸڭٸزدەن سۇراپ كٶرٸڭٸز – ولار قازٸر ايدار بولىپ, ەرتەمٸر بولىپ وينايدى», - دەدٸ ول.
