Bulandy aýdanynda qus fabrikasy ǵimaratynda órt boldy, dep habarlaidy Aqmola oblysy Tótenshe jaǵdailar departamentiniń baspasóz qyzmeti.
«Bulandy aýdanynyń órt sóndirýshi-qutqarýshylaryna b úgin saǵat 17:34-te Makinsk qus fabrikasynyń №7 ǵimaratynda órt bolǵandyǵy týraly habar tústi. Órt sóndirýshilerdiń jedel is-qimyldarynyń arqasynda 800 sharshy metr aýmaqtaǵy órtti 43 minýtta sóndirip, órttiń kórshiles ǵimarattarǵa taralýyna jol berilmedi» delingen vedomstvo taratqan habarlamada.
Órt kezinde ǵimarattyń bos bolǵandyǵyn jáne qustardyń zardap shekpegendikterin atap ótken jón. №7 ǵimarattyń jalpy aýdany 1930 sharshy metrdi quraidy, zardap shekkender men jaraqat alǵandar joq.
Málimetke sai, órt 18:04-te oqshaýlanyp, 18:18-de sóndirildi. Órt ornynda 10 órt sóndirýshi-qutqarýshy, Makinsk qus fabrikasynyń 7 jáne memlekettik emes órtke qarsy qyzmetiniń 3 qyzmetkeri jumys istedi.
Órttiń sebebi anyqtalyp jatyr.
