QR BǴM ǴK Memleket tarihy institýtynyń ǵylymi qyzmetkeri Aitbala Ábenova Qazaqstan prezidenti Nursultan Nazarbaevtyń «Uly dalanyń jeti qyry» atty maqalasyna qatysty pikirin bildirdi, dep habarlaidy Baq.kz.
«Qazaq halqynda jeti - qasietti san. «Jeti atasyn bilmegen jetesiz» demekshi, «jeti» degen sandy qadirleý kóne zamannan bastalady. Memleket basshysy Nursultan Nazarbaev jańa maqalasynda osy qasietti jaitbalaeti sanyn qoldana otyryp, Uly dalanyń jeti qyryn erekshe sipattaǵan. Baǵdarlamalyq maqaladaǵy jeti taqyryptyń ishinde san ǵasyrlyq tarihy bar Uly Jibek joly erekshe oryn alady. Prezident Nursultan Nazarbaev: «Alǵash paida bolǵan sátten bastap, Uly Jibek joly kartasy, negizinen, Túrik imperiialarynyń aýmaǵyn qamtydy. Ortalyq Eýraziiada túrkiler ústemdik qurǵan kezeńde Uly Jibek joly gúldený shegine jetip, halyqaralyq aýqymda ekonomikany órkendetýge jáne mádenietti damytýǵa septigin tigizdi» - dedi Aitbala Ábenova.
Tarihshynyń aitýynsha, Uly Jibek joly qasietti de qasterli uǵym. Uly Jibek joly - óz ýaqytysynda da, qazir de Eýropa men Aziiany, Shyǵys pen Batysty bailanystyratyn búkil álemge tanymal jol. Jibek joly álemdik saýda júiesiniń damýyna yqpal etti.
«Uly Jibek jolynyń dál bizdiń jerimizden bastaý alýy adamzat órkenietine qanshalyqty úles qosqanymyzdy ańǵartady. Uly Jibek jolyn halyqtardyń dostyǵy men yntymaǵynyń jarasamdyǵy dep túsingen jón. Uly Jibek jolynyń tarihi damý barysynda álemdik sahnada buryn sondy bolmaǵan mádeni, ekonomikalyq, saiasi áleýmettik qarym qatynastar paida boldy. Elbasynyń maqalasy qazaq halqynyń tarihyn tereńnen zertteýge, sheteldik iri arhivterde izdeý-zertteý jumystaryn júrgizýge úndeidi. Osy oraida, Uly Jibek jolynyń álemdik órkenietke qosqan jetistikterin qaitadan zerdeleýdiń, jańasha nasihattaýdyń mańyzy zor dep oilaimyn. Óitkeni kieli oryndardy, oqiǵalar bolǵan tarihi jerlerdi tamashalaý ósip kele jatqan urpaqqa patriottyq tárbie berýge, táýelsizdikti, rýhani qundylyqtardy nasihattaýǵa yqpal etedi, jas urpaqtyń mádeni jáne rýhani muraǵa degen qyzyǵýshylyǵyn arttyrady. Halqymyz «Ótkendi ulyqtaý - tarihty umytpaý» dep beker aitpasa kerek. Biz dúnie júzine ózimizdiń bai tarihymyzben maqtana alamyz. Sonymen qosa, ata-babamyzdyń qaldyrǵan asyl murasyn, qazaqtyń kóne mádeni tarihyn, qazaqtyń salt-dástúrin qaita jańǵyrtyp, urpaqtan –urpaqqa nasihattap jalǵastyryp otyrýymyz qajet», - dedi Ábenova.
.jpeg)