Ekologiia, geologiia jáne tabiǵi resýrstar ministri Maǵzum Myrzaǵaliev Almaty oblysyndaǵy Esik kóliniń tartylý sebepterin atady, dep habarlaidy "Ult aqparat".
OKQ-da ótken onlain baspasóz máslihaty barysynda ministrge kól jaǵasyndaǵy qonaq úilerge qatysty suraq qoiyldy.
Maǵzum Myrzaǵalievtyń aitýynsha durys júrgizilmeitin qurylys jumystarymen zańnamaǵa sai kúres júrgizý kerek.
«Sol sebepti Kólsai kóli boiynsha men jeke ainalysamyn. Ol týraly áli jeke aita jatarmyz. Esik kóline keler bolsaq, ol jerde qurylysqa qatysty problema bolmaǵan. Másele gidroelektrostantsiiaǵa bailanysty boldy. Ol jerden keide sý jiberilip turatyn. Biyl kólde sý az qaldy da, sol aýdandarda sý jetispeýshiligi sezile bastady. Biz ol máselege qatysty arnaiy hat joldap, Almaty oblysynyń ákimdigimen sóilestik. Bul jaǵdaidyń jaǵymsyz saldaryn barynsha azaitqymyz keledi», - dedi ol.
