Nursultan Nazarbaev MAGATE-niń burynǵy Bas direktory, Nobel syilyǵynyń laýreaty Mohammed El-Baradeimen jáne Jahandyq qaýipsizdik institýtynyń prezidenti Djonatan Granoffpen kezdesti, dep habarlaidy "Ult aqparat".
QR Tuńǵysh Prezidentiniń resmi saityndaǵy aqparatqa sáikes, kezdesý barysynda Nursultan Nazarbaev «Astana klýbynyń» otyrysyna qatysqany úshin Mohammed El-Baradei men Djonatan Granoffqa alǵys bildirdi.
«Mohammed El-Baradei MAGATE-ny iadrolyq qarýdy taratpaýǵa jaýapty negizgi organǵa ainaldyrdy. Biz Sizben birge Qazaqstanda tómen baiytylǵan ýran bankin qurýdy bastadyq. Bul óte mańyzdy oqiǵa boldy. Bizdiń elimizge az baiytylǵan ýrannyń alǵashqy partiiasy keldi», - dedi Qazaqstannyń Tuńǵysh Prezidenti.
Sondai-aq, Elbasy Jahandyq qaýipsizdik institýtynyń iadrolyq qarýdy taratpaýdaǵy mańyzdy rólin atap ótti.
«Qazaqstannyń iadrolyq qarýsyzdaný máselesindegi rólin jaqsy bilesizder. Biz iadrolyq qaýipsizdikti qamtamasyz etýge baǵyttalǵan barlyq máselelerge belsendi qatysyp júrmiz», - dedi Nursultan Nazarbaev.
Óz kezeginde MAGATE-niń burynǵy Bas direktory Qazaqstan iadrolyq qarýsyz álem qurý ideiasyn qoldaityndyǵyn is júzinde dáleldegenin aitty.
«Siz iadrolyq qarýsyzdaný salasyndaǵy jetekshi rólińizdi dáleldedińiz. Qazaqstan óz sózin naqty is-árekettermen rastady, iadrolyq áleýetten bas tartty, Semei poligonyn japty. Endi Sizdiń kúsh-jigerińizdi ǵalamdyq jáne jergilikti deńgeidegi suraqtarǵa baǵyttaý múmkindigi mańyzdy bolyp otyr», - dedi Mohammed El-Baradei.
Óz kezeginde, Ǵalamdyq qaýipsizdik institýtynyń prezidenti Qazaqstannyń Tuńǵysh Prezidentiniń jappai qyryp-joiý qarýyn taratýǵa qarsy is-qimylyn joǵary baǵalady.
