نۇرسۇلتان نازارباەۆ ماگاتە-نٸڭ بۇرىنعى باس ديرەكتورى, نوبەل سىيلىعىنىڭ لاۋرەاتى موحاممەد ەل-بارادەيمەن جەنە جاھاندىق قاۋٸپسٸزدٸك ينستيتۋتىنىڭ پرەزيدەنتٸ دجوناتان گرانوففپەن كەزدەستٸ, دەپ حابارلايدى "ۇلت اقپارات".
قر تۇڭعىش پرەزيدەنتٸنٸڭ رەسمي سايتىنداعى اقپاراتقا سەيكەس, كەزدەسۋ بارىسىندا نۇرسۇلتان نازارباەۆ «استانا كلۋبىنىڭ» وتىرىسىنا قاتىسقانى ٷشٸن موحاممەد ەل-بارادەي مەن دجوناتان گرانوففقا العىس بٸلدٸردٸ.
«موحاممەد ەل-بارادەي ماگاتە-نى يادرولىق قارۋدى تاراتپاۋعا جاۋاپتى نەگٸزگٸ ورگانعا اينالدىردى. بٸز سٸزبەن بٸرگە قازاقستاندا تٶمەن بايىتىلعان ۋران بانكٸن قۇرۋدى باستادىق. بۇل ٶتە ماڭىزدى وقيعا بولدى. بٸزدٸڭ ەلٸمٸزگە از بايىتىلعان ۋراننىڭ العاشقى پارتيياسى كەلدٸ», - دەدٸ قازاقستاننىڭ تۇڭعىش پرەزيدەنتٸ.
سونداي-اق, ەلباسى جاھاندىق قاۋٸپسٸزدٸك ينستيتۋتىنىڭ يادرولىق قارۋدى تاراتپاۋداعى ماڭىزدى رٶلٸن اتاپ ٶتتٸ.
«قازاقستاننىڭ يادرولىق قارۋسىزدانۋ مەسەلەسٸندەگٸ رٶلٸن جاقسى بٸلەسٸزدەر. بٸز يادرولىق قاۋٸپسٸزدٸكتٸ قامتاماسىز ەتۋگە باعىتتالعان بارلىق مەسەلەلەرگە بەلسەندٸ قاتىسىپ جٷرمٸز», - دەدٸ نۇرسۇلتان نازارباەۆ.
ٶز كەزەگٸندە ماگاتە-نٸڭ بۇرىنعى باس ديرەكتورى قازاقستان يادرولىق قارۋسىز ەلەم قۇرۋ يدەياسىن قولدايتىندىعىن ٸس جٷزٸندە دەلەلدەگەنٸن ايتتى.
«سٸز يادرولىق قارۋسىزدانۋ سالاسىنداعى جەتەكشٸ رٶلٸڭٸزدٸ دەلەلدەدٸڭٸز. قازاقستان ٶز سٶزٸن ناقتى ٸس-ەرەكەتتەرمەن راستادى, يادرولىق ەلەۋەتتەن باس تارتتى, سەمەي پوليگونىن جاپتى. ەندٸ سٸزدٸڭ كٷش-جٸگەرٸڭٸزدٸ عالامدىق جەنە جەرگٸلٸكتٸ دەڭگەيدەگٸ سۇراقتارعا باعىتتاۋ مٷمكٸندٸگٸ ماڭىزدى بولىپ وتىر», - دەدٸ موحاممەد ەل-بارادەي.
ٶز كەزەگٸندە, عالامدىق قاۋٸپسٸزدٸك ينستيتۋتىنىڭ پرەزيدەنتٸ قازاقستاننىڭ تۇڭعىش پرەزيدەنتٸنٸڭ جاپپاي قىرىپ-جويۋ قارۋىن تاراتۋعا قارسى ٸس-قيمىلىن جوعارى باعالادى.
