QR Tuńǵysh Prezidenti Nursultan Nazarbaev Qazaqstan halqyna óz alǵysyn jetkizdi, dep habarlaidy QazAqparat tilshisi.
«Meniń prezidenttik ókilettiligimdi toqtatýǵa qatysty úndeýim qazaqstandyqtar úshin kútpegen sheshim boldy. Keibir adamdar bul málimdememdi ókinishpen qarsy aldy. Tipti, maǵan túsken hattardyń ishinde prezidenttik sailaýǵa qaitadan túsýge usynys jasap jatyr. Men barlyǵyna alǵys aitamyn. Osy qobaljýdyń saiasi astaryn da túsinip otyrmyn. Adamdar bolashaq úshin alańdaidy. Turaqtylyq pen tynyshtyqty qalaidy. Ultaralyq kelisimniń saqtalǵanyn tileidi. Halyqqa izgi nieti úshin, mahabbaty úshin, qurmeti úshin basymdy iip, zor rizashylyǵymdy bildiremin», - dedi N.Nazarbaev «Nur Otan» partiiasynyń kezekten tys XIX sezinde.
Elbasy prezidenttik ókilettigin toqtatqanda durys sheshim jasaǵanyna taǵy bir márte toqtaldy. Osy oraida, Nazarbaev «Nur Otan» partiiasynyń atynan prezidenttik sailaýǵa túsetin Qasym-Jomart Toqaevqa tolyǵymen senetinin jetkizdi. «Qasym-Jomart Kemeluly Toqaev barlyq qazaqstandyqtardyń teń quqyqtary men ózara dostyq saiasatyn saqtaityn adam ekenin senimdi túrde aita alamyn», - dep atap kórsetti N.Nazarbaev.
Aita keteiik, búgin Elbasy «Nur Otan» partiiasynan QR Prezidenttigine úmitker retinde Qasym-Jomart Toqaevtyń kandidatýrasyn usyndy. Budan bólek, Nursultan Nazarbaev «Nur Otan» partiiasynyń kandidatyn qoldaýǵa qatysty tapsyrmalar berdi.
