قر تۇڭعىش پرەزيدەنتٸ نۇرسۇلتان نازارباەۆ قازاقستان حالقىنا ٶز العىسىن جەتكٸزدٸ, دەپ حابارلايدى قازاقپارات تٸلشٸسٸ.
«مەنٸڭ پرەزيدەنتتٸك ٶكٸلەتتٸلٸگٸمدٸ توقتاتۋعا قاتىستى ٷندەۋٸم قازاقستاندىقتار ٷشٸن كٷتپەگەن شەشٸم بولدى. كەيبٸر ادامدار بۇل مەلٸمدەمەمدٸ ٶكٸنٸشپەن قارسى الدى. تٸپتٸ, ماعان تٷسكەن حاتتاردىڭ ٸشٸندە پرەزيدەنتتٸك سايلاۋعا قايتادان تٷسۋگە ۇسىنىس جاساپ جاتىر. مەن بارلىعىنا العىس ايتامىن. وسى قوبالجۋدىڭ ساياسي استارىن دا تٷسٸنٸپ وتىرمىن. ادامدار بولاشاق ٷشٸن الاڭدايدى. تۇراقتىلىق پەن تىنىشتىقتى قالايدى. ۇلتارالىق كەلٸسٸمنٸڭ ساقتالعانىن تٸلەيدٸ. حالىققا ٸزگٸ نيەتٸ ٷشٸن, ماحابباتى ٷشٸن, قۇرمەتٸ ٷشٸن باسىمدى يٸپ, زور ريزاشىلىعىمدى بٸلدٸرەمٸن», - دەدٸ ن.نازارباەۆ «Nur Otan» پارتيياسىنىڭ كەزەكتەن تىس XIX سەزٸندە.
ەلباسى پرەزيدەنتتٸك ٶكٸلەتتٸگٸن توقتاتقاندا دۇرىس شەشٸم جاساعانىنا تاعى بٸر مەرتە توقتالدى. وسى ورايدا, نازارباەۆ «Nur Otan» پارتيياسىنىڭ اتىنان پرەزيدەنتتٸك سايلاۋعا تٷسەتٸن قاسىم-جومارت توقاەۆقا تولىعىمەن سەنەتٸنٸن جەتكٸزدٸ. «قاسىم-جومارت كەمەلۇلى توقاەۆ بارلىق قازاقستاندىقتاردىڭ تەڭ قۇقىقتارى مەن ٶزارا دوستىق ساياساتىن ساقتايتىن ادام ەكەنٸن سەنٸمدٸ تٷردە ايتا الامىن», - دەپ اتاپ كٶرسەتتٸ ن.نازارباەۆ.
ايتا كەتەيٸك, بٷگٸن ەلباسى «Nur Otan» پارتيياسىنان قر پرەزيدەنتتٸگٸنە ٷمٸتكەر رەتٸندە قاسىم-جومارت توقاەۆتىڭ كانديداتۋراسىن ۇسىندى. بۇدان بٶلەك, نۇرسۇلتان نازارباەۆ «Nur Otan» پارتيياسىنىڭ كانديداتىن قولداۋعا قاتىستى تاپسىرمالار بەردٸ.
