Qazaqstannyń birinshi, álemniń 44-raketkasy Aleksandr Býblik juptyq synda da Madrid masters týrnirin sátti bastady, dep habarlaidy "Ult aqparat".
Qazaqstandyq tennisshi chililik Kristian Garinmen birge bastapqy kezdesýin osy dodanyń 5-raketkalary, amerikalyq Radjiv Ram – ulybritaniialyq Djo Selisberimen ótkizdi.
Qazaqstandyq-chililik jup saǵat jarymǵa sozylǵan matchta 7:6 (7:5), 7:5 esebimen jeńiske jetti.
A.Býblik pen K.Garin shirek finalǵa shyǵý úshin belgiialyqtar Sander Jille – Ioran Fligenmen talasady.
Aleksandr Býblik ázirshe jekelei synda da tabysty óner kórsetýde. Sársenbi kúni onyń úshinshi ainalymdaǵy qarsylasy anyqtaldy. Dúniejúzilik reitingte 27-orynda turǵan reseilik Aslan Karatsev álemniń 9-raketkasy, argentinalyq Diego Shvartsmandy 2:6, 6:4, 6:1 esebimen tize búktirdi. Endi A.Býblik pen A.Karatsev jekelei synda shirek final joldamasyn sarapqa salady.
