مادريد تۋرنيرٸ: الەكساندر بۋبليك جۇپتىق سىندى سەتتٸ باستادى

قازاقستاننىڭ بٸرٸنشٸ, ەلەمنٸڭ 44-راكەتكاسى الەكساندر بۋبليك جۇپتىق سىندا دا مادريد ماستەرس تۋرنيرٸن سەتتٸ باستادى, دەپ حابارلايدى "ۇلت اقپارات".

قازاقستاندىق تەننيسشٸ چيليلٸك كريستيان گارينمەن بٸرگە باستاپقى كەزدەسۋٸن وسى دودانىڭ 5-راكەتكالارى, امەريكالىق رادجيۆ رام – ۇلىبريتانييالىق دجو سەليسبەريمەن ٶتكٸزدٸ. 

قازاقستاندىق-چيليلٸك جۇپ ساعات جارىمعا سوزىلعان ماتچتا 7:6 (7:5), 7:5 ەسەبٸمەن جەڭٸسكە جەتتٸ.

ا.بۋبليك پەن ك.گارين شيرەك فينالعا شىعۋ ٷشٸن بەلگييالىقتار ساندەر جيللە – يوران فليگەنمەن تالاسادى.

الەكساندر بۋبليك ەزٸرشە جەكەلەي سىندا دا تابىستى ٶنەر كٶرسەتۋدە. سەرسەنبٸ كٷنٸ ونىڭ ٷشٸنشٸ اينالىمداعى قارسىلاسى انىقتالدى. دٷنيەجٷزٸلٸك رەيتينگتە 27-ورىندا تۇرعان رەسەيلٸك اسلان كاراتسەۆ ەلەمنٸڭ 9-راكەتكاسى, ارگەنتينالىق ديەگو شۆارتسماندى 2:6, 6:4, 6:1 ەسەبٸمەن تٸزە بٷكتٸردٸ. ەندٸ ا.بۋبليك پەن ا.كاراتسەۆ جەكەلەي سىندا شيرەك فينال جولداماسىن ساراپقا سالادى.