Mádina Júnisbekova QR Ulttyq ekonomika vitse-ministri bolyp taǵaiyndaldy, - dep habarlaidy "Ult aqparat" Premer-ministrdiń resmi saityna silteme jasap.
QR Úkimetiniń Qaýlysymen Mádina Serikqyzy Júnisbekova ulttyq ekonomika vitse-ministri qyzmetine taǵaiyndaldy.
Mádina Júnisbekova Almaty qalasynda dúniege kelgen. M. V. Lomonosov atyndaǵy MMÝ, Parij I Panteon – Sorbonna ýniversitetin, Panteon – Assas ýniversitetin támamdaǵan. «Bolashaq» baǵdarlamasynyń stipendiaty.
Eńbek jolyn 2010 jyly bastaǵan.
2010 – 2012 jyldary kommertsiialyq sektorda jumys istegen.
2012 – 2014 jyldary QR Prezidenti Ákimshiliginiń Basshysy Hatshylyǵynyń inspektory laýazymyn atqarǵan.
2014 jyly — QR Premer-Ministriniń keńesshisi.
2014 jylǵy maýsym aiynan bastap qazirgi tańǵa deiin QR Premer-Ministri Keńsesiniń Aqparattyq-taldaý ortalyǵynyń meńgerýshisi qyzmetin atqarǵan.
«Eren eńbegi úshin» medalimen marapattalǵan.
