QR Eńbek jáne halyqty áleýmettik qorǵaý ministri Mádina Ábilqasymova kedeilik deńgeiin tómendetýge qatysty málimetterdi jariialady, dep habarlaidy "Ult aqparat".
«Áleýmettik kepildikterdi arttyrý boiynsha memleket júrgizip otyrǵan áleýmettik saiasattyń nátijesinde ómir súrý deńgeiiniń negizgi kórsetkishteri jaqsardy. Qazaqstanda kedeilik deńgeii 1996 jylǵy 34,6 paiyzdan 2018 jylǵy 2-toqsan qorytyndysy boiynsha 4,7 paiyzǵa qysqardy. Halyqtyń jan basyna shaqqandaǵy nominaldy aqshalai tabysy 2001 jyldan bastap 2017 jyl aralyǵynda 10,8 esege ósip, 83 myń 53 teńgeni qurady», - dedi ministr Parlament Májilisindegi Úkimet saǵatynda.
Onyń sózine qaraǵanda, halyqtyń tabystar boiynsha teńsizdigi qysqaryp keledi. Djini indeksiniń máni 2001 jyldan 2017 jyl aralyǵynda 0,287 deiin 1,3 esege qysqardy.
«Kedeilik tereńdigi 2001 jyldan 2017 jylǵa deiin 37 esege, iaǵni tiisinshe 14,8 paiyzdan 0,4 deiin, kedeilik ótkirligi - 65 esege, 6,5 paiyzdan 0,1 paiyzǵa deiin azaidy», - dedi Mádina Ábilqasymova.
