Ulttyq bank tóraǵasynyń orynbasary Mádina Ábilqasymova 200 teńgelik monetany shyǵarýdyń qajettigin túsindirdi, dep habarlaidy "Ult aqparat".
«Eń aldymen, bul aqsha kýpiýralarynyń eskirip bara jatýymen bailanysty. Sonymen birge, bunyń bári - tozyp qalǵan kýpiýralardy aýystyrý úshin qolǵa alynǵan sharýa. 200 teńgelik kýpiýra kóp qoldanylady ári qolma-qol ainalymda kóp kezdesedi. Qoldanystan jyldam shyǵyp qalmaýy úshin moneta shyǵarý týraly sheshim qabyldandy», - dedi Mádina Ábilqasymova Senat otyrysynan keiin tilshilerdiń suraǵyna bergen jaýabynda.
Ulttyq bank tóraǵasynyń orynbasary jýyq arada basqa monetalardy shyǵarý kózdelip otyrmaǵanyn aityp ótti.
Eske sala ketsek, 2020 jyly Ulttyq bank 200 teńgelik monetalardy shyǵarýdy josparlap otyrǵany jýyrda habarlanǵan bolatyn. Tómengi nominaldy aqshalardyń qyzmet etý merzimin ulǵaitý úshin osyndai sheshim qabyldanǵan. 200 teńgelik banknottar aldaǵy 1-1,5 jylda qoldanystan alynady. Ázirge 200 teńgelik nominaldy banknottar zańdy tólem retinde paidalanyla beredi.
