ۇلتتىق بانك تٶراعاسىنىڭ ورىنباسارى مەدينا ەبٸلقاسىموۆا 200 تەڭگەلٸك مونەتانى شىعارۋدىڭ قاجەتتٸگٸن تٷسٸندٸردٸ, دەپ حابارلايدى "ۇلت اقپارات".
«ەڭ الدىمەن, بۇل اقشا كۋپيۋرالارىنىڭ ەسكٸرٸپ بارا جاتۋىمەن بايلانىستى. سونىمەن بٸرگە, بۇنىڭ بەرٸ - توزىپ قالعان كۋپيۋرالاردى اۋىستىرۋ ٷشٸن قولعا الىنعان شارۋا. 200 تەڭگەلٸك كۋپيۋرا كٶپ قولدانىلادى ەرٸ قولما-قول اينالىمدا كٶپ كەزدەسەدٸ. قولدانىستان جىلدام شىعىپ قالماۋى ٷشٸن مونەتا شىعارۋ تۋرالى شەشٸم قابىلداندى», - دەدٸ مەدينا ەبٸلقاسىموۆا سەنات وتىرىسىنان كەيٸن تٸلشٸلەردٸڭ سۇراعىنا بەرگەن جاۋابىندا.
ۇلتتىق بانك تٶراعاسىنىڭ ورىنباسارى جۋىق ارادا باسقا مونەتالاردى شىعارۋ كٶزدەلٸپ وتىرماعانىن ايتىپ ٶتتٸ.
ەسكە سالا كەتسەك, 2020 جىلى ۇلتتىق بانك 200 تەڭگەلٸك مونەتالاردى شىعارۋدى جوسپارلاپ وتىرعانى جۋىردا حابارلانعان بولاتىن. تٶمەنگٸ نومينالدى اقشالاردىڭ قىزمەت ەتۋ مەرزٸمٸن ۇلعايتۋ ٷشٸن وسىنداي شەشٸم قابىلدانعان. 200 تەڭگەلٸك بانكنوتتار الداعى 1-1,5 جىلدا قولدانىستان الىنادى. ەزٸرگە 200 تەڭگەلٸك نومينالدى بانكنوتتار زاڭدى تٶلەم رەتٸندە پايدالانىلا بەرەدٸ.
