Jaqynda Qarjy ministri bolyp taǵaiyndalǵan Mádi Tákievtiń depýtattyq ókilettigin toqtatý týraly jarlyq shyqty dep habarlaidy «Ult Aqparat».
«Qazaqstan Respýblikasy prezidentiniń 2024 jylǵy 6 aqpandaǵy nómiri 457 jarlyǵymen QR Májilisiniń depýtaty Mádi Tókeshuly Tákiev QR Qarjy Ministri laýazymyna taǵaiyndaldy. Osyǵan orai QR Ortalyq sailaý kommisiiasy sizderdiń nazarlaryńyzǵa QR Konstitýtsiiasynyń 52 babyna QR Parlamenti jáne onyń depýtattarynyń mártebesi týraly Konstitýtsiialyq zańynyń 24 babynyń 3 jáne 8 tarmaqtaryna sáikes QR Parlamenti Májilisiniń depýtaty Mádi Tókeshuly Tákievtiń depýtattyq ókilettigin merziminen buryn toqtatý týraly máseleni sheshý úshin usynym engizip otyr»-dep jariialady Ortalyq sailaý kommisiiasynyń múshesi Shavhat Ótemisov 14 aqpanda ótken Májilis otyrysynda.
Jańadan taǵaiyndalǵan Qarjy ministri Mádi Tákiev depýtattyq mandattaǵy bir jyldyq tájiiribesi ministrlik qyzmetinde úlken kómek bolatyndyǵyn jetkizip, Qarjy ministri qyzmetinde Mádi Tákiev qandai jumystardy atqaratynyn aitty.
«Ózderińiz bilesizder, qazir bizde birinshi másele tez arada salyq kodeksin engizýimiz kerek. Sonymen qatar depýtattarmen birge jasap shyǵýymyz kerek birtalai zańdarymyz bar», -dedi Mádi Tákiev.
Eske salaiyq, Mádi Tákiev «AMANAT» partiiasy atynan Parlament Májilisiniń 8 shaqyrylym depýtaty bolyp byltyr sailanǵan. M. Tákiev qarjy salasynyń mamany. Depýtattyq mandatqa deiin ol 2020-2023 jyldary Áleýmettik-ekonomikalyq monitoring bóliminiń meńgerýshisi bolyp qyzmet atqardy. Al 2019-2020 jyldary Qarjy vitse-ministri boldy.
