QR Aqparat jáne qoǵamdyq damý ministri Dáýren Abaev Altyn ordanyń 750 jyldyǵyn toilaý týraly pikir bildirdi, dep habarlaidy QazAqparat.
«Qazaq handyǵynyń 550 jyldyǵyn toilaý arqyly biz memlekettigimizdiń týýyn atap óttik. Memlekettik taqyr jerden paida boldy deýge bolmaidy. Qazaq etnosy da 550 jyl buryn paida bolǵan joq. Bedeldi tarihshylar qazaq halqynyń etnogeneziniń Altyn orda kezeńinde qalyptasqanyn aitady. Joshy ulysynyń basym bóligi qazirgi Qazaqstannyń aýmaǵynda ornalasqan. Kerei men Jánibekten bastap, Kenesaryǵa deiingi barlyq handarymyz dál altynordalyq Shyńǵys urpaqtarynan taraǵan. Bizdiń mádenietimiz, ónerimiz ben dástúrimizde Altyn ordanyń murasy bar. Bul anyq. Munda tarih kókjiegin qoldan keńeitý joq, kerisinshe tarihty durys baǵamdaýǵa tyrysyp jatyrmyz», - dedi Dáýren Abaev.
Eske sala ketsek, Memleket basshysy Qasym-Jomart Toqaev «Ulytaý – 2019» halyqaralyq týristik forýmynda Altyn ordanyń 750 jyldyǵyn toilaýdy usyndy.
