قر اقپارات جەنە قوعامدىق دامۋ مينيسترٸ دەۋرەن اباەۆ التىن وردانىڭ 750 جىلدىعىن تويلاۋ تۋرالى پٸكٸر بٸلدٸردٸ, دەپ حابارلايدى قازاقپارات.
«قازاق حاندىعىنىڭ 550 جىلدىعىن تويلاۋ ارقىلى بٸز مەملەكەتتٸگٸمٸزدٸڭ تۋۋىن اتاپ ٶتتٸك. مەملەكەتتٸك تاقىر جەردەن پايدا بولدى دەۋگە بولمايدى. قازاق ەتنوسى دا 550 جىل بۇرىن پايدا بولعان جوق. بەدەلدٸ تاريحشىلار قازاق حالقىنىڭ ەتنوگەنەزٸنٸڭ التىن وردا كەزەڭٸندە قالىپتاسقانىن ايتادى. جوشى ۇلىسىنىڭ باسىم بٶلٸگٸ قازٸرگٸ قازاقستاننىڭ اۋماعىندا ورنالاسقان. كەرەي مەن جەنٸبەكتەن باستاپ, كەنەسارىعا دەيٸنگٸ بارلىق حاندارىمىز دەل التىنوردالىق شىڭعىس ۇرپاقتارىنان تاراعان. بٸزدٸڭ مەدەنيەتٸمٸز, ٶنەرٸمٸز بەن دەستٷرٸمٸزدە التىن وردانىڭ مۇراسى بار. بۇل انىق. مۇندا تاريح كٶكجيەگٸن قولدان كەڭەيتۋ جوق, كەرٸسٸنشە تاريحتى دۇرىس باعامداۋعا تىرىسىپ جاتىرمىز», - دەدٸ دەۋرەن اباەۆ.
ەسكە سالا كەتسەك, مەملەكەت باسشىسى قاسىم-جومارت توقاەۆ «ۇلىتاۋ – 2019» حالىقارالىق تۋريستٸك فورۋمىندا التىن وردانىڭ 750 جىلدىعىن تويلاۋدى ۇسىندى.
