Burynǵy mádeniet jáne sport vitse-ministri Sáken Musaibekov ustaldy, - dep habarlady derekkózge súiengen QazTAG agenttigi.
"Musaibekovti "antikor" (jemqorlyqpen kúres is-qimyl agenttigi red.) qyzmetkerleri ustady. Ol qazir Almatyda tergeý amaldaryna qatysyp jatyr" dedi derekkózi agenttikke.
Jemqorlyqpen kúres is-qimyl agenttiginiń baspasóz qyzmeti ázirge aqparatqa túsinikteme bermedi. Buǵan deiin Telegramdaǵy Yedilov arnasy da derekkózge súiene otyryp, Mýsaibekovtiń "jemqorlyq kúdigine" ilingenin jazǵan.
Mádeniet jáne sport ministrliginiń resmi saityndaǵy málimetke sáikes, Musaibekov sport salasyna jaýapty bolǵan.
53 jastaǵy Sáken Musaibekov 2020 jyldyń mamyr aiynda mádeniet jáne sport vitse-ministri qyzmetine taǵaiyndalǵan. Oǵan deiin 2019 jyldyń qańtar aiynan bastap Qazaqstan ulttyq olimpiada komitetiniń bas hatshysy bolǵan. Ol buǵan deiin de – 2015 jyldyń aqpan aiy men 2019 jyldyń qańtar ailary aralyǵynda mádeniet jáne sport vitse-ministri bolǵan. Premer-ministr saityndaǵy aqparatqa sáikes, "ótinish boiynsha" qyzmetinen bosaǵan.
