بۇرىنعى مەدەنيەت جەنە سپورت ۆيتسە-مينيسترٸ سەكەن مۇسايبەكوۆ ۇستالدى, - دەپ حابارلادى دەرەككٶزگە سٷيەنگەن قازتاگ اگەنتتٸگٸ.
"مۇسايبەكوۆتٸ "انتيكور" (جەمقورلىقپەن كٷرەس ٸس-قيمىل اگەنتتٸگٸ رەد.) قىزمەتكەرلەرٸ ۇستادى. ول قازٸر الماتىدا تەرگەۋ امالدارىنا قاتىسىپ جاتىر" دەدٸ دەرەككٶزٸ اگەنتتٸككە.
جەمقورلىقپەن كٷرەس ٸس-قيمىل اگەنتتٸگٸنٸڭ باسپاسٶز قىزمەتٸ ەزٸرگە اقپاراتقا تٷسٸنٸكتەمە بەرمەدٸ. بۇعان دەيٸن تەلەگرامداعى Yedilov ارناسى دا دەرەككٶزگە سٷيەنە وتىرىپ, مۋسايبەكوۆتٸڭ "جەمقورلىق كٷدٸگٸنە" ٸلٸنگەنٸن جازعان.
مەدەنيەت جەنە سپورت مينيسترلٸگٸنٸڭ رەسمي سايتىنداعى مەلٸمەتكە سەيكەس, مۇسايبەكوۆ سپورت سالاسىنا جاۋاپتى بولعان.
53 جاستاعى سەكەن مۇسايبەكوۆ 2020 جىلدىڭ مامىر ايىندا مەدەنيەت جەنە سپورت ۆيتسە-مينيسترٸ قىزمەتٸنە تاعايىندالعان. وعان دەيٸن 2019 جىلدىڭ قاڭتار ايىنان باستاپ قازاقستان ۇلتتىق وليمپيادا كوميتەتٸنٸڭ باس حاتشىسى بولعان. ول بۇعان دەيٸن دە – 2015 جىلدىڭ اقپان ايى مەن 2019 جىلدىڭ قاڭتار ايلارى ارالىعىندا مەدەنيەت جەنە سپورت ۆيتسە-مينيسترٸ بولعان. پرەمەر-مينيستر سايتىنداعى اقپاراتقا سەيكەس, "ٶتٸنٸش بويىنشا" قىزمەتٸنەن بوساعان.
