Mədeniet jəne sport vitse-ministri Órken Bisaqaev jumys saparymen Mańǵystaý oblysyna keldi, dep habarlaidy "Ult aqparat".
Vitse-ministr jumys barysynda óńirdegi týrizm jáne ekologiia salasynyń ókilderimen qoǵam belsendilerimen kezdesti.
Órken Bisaqaev biyl shilde aiynan bastap Mańǵystaýǵa kelip demalýshylardyń sany artqanyn atap ótti. Bul óz kezeginde oblys týrizmin damytýǵa den qoiý keregin ańǵartatynyn aitty.
«Búginde týrister arasynda Rixos Water world qonaqúii baǵytynan bólek, Bozjyra shatqaly da tanymal. Bizdiń statistikamyz boiynsha qazir bul jerge kelýshiler sany ótken jylmen salystyrǵanda 10 ese artqan. Jobamen bul jerge 2 myńnan astam adam kelgen. Al kelesi jyly bul kórsetkish artyp, kemi 10 myńnan astam týrist kelip, demalady degen boljam bar», dedi vitse-ministr.
Aita keteiik, buǵan deiin áleýmettik jelilerde Bozjyra shatqalynda qonaq úi kesheni jobasy júzege asyrylady degen habar taraǵan bolatyn. Alaida, oblys ákimdigi qazirgi tańda «Bozjyra safari» qonaq úiiniń jobalaý jumystary júrgizilip jatqanyn habarlaǵanyn jazǵan bolatynbyz.
Bul jaiǵa qatysty ekologtar qarsylyq bildirip, qurylys jumystary kezinde bul jerge ziian keletinin aitty. Órken Bisaqaev atalǵan jaitqa qatysty túsinikteme berip, aldymen ekonomika turǵysynan qajettilik pen ekologiia arasyndaǵy teńdikti saqtaý mańyzdy ekenin jetkizdi.
«Shatqaldy jan–jaqty qarap shyqqan mamandar bul jerge adamdar men kólikterdiń esh qiyndyqsyz kelip-kete alatynyn aityp otyr. Iaǵni, jer relefi eshqandai arnaiy daiyndyqty kerek etpeidi.
Bizdiń oiymyzsha, eshbir retsiz óz erkimen aǵylyp keletin saiahatshylar erekshe tabiǵi orynǵa ziianyn tigizýi múmkin. Bul jerde ziian taý shatqalyna emes, jazyq dalaǵa tiedi. Óitkeni, jazyqtaǵy topyraq kóp kóliktiń beibereket qozǵalysynan shańǵa ainalyp, keibir jándikter men ósimdikterge keri áser etedi. Týrister qozǵalysyn rettep, týrister qabyldaý úshin Bozjyra taýyna jaqyn jerde týristik nysan men qozǵalysty retteitin júie qajet», - dep túsindirdi Órken Bisaqaev qoǵam ókilderine.
Sonymen qatar, vitse-ministr shatqal aýmaǵynda infraqurylymdy retke keltirip, týrister qaýipsizdigi men qolailylyǵy úshin birqatar sharany iske asyrý keregin atap ótti.
«Bozjyra shatqaly mańyndaǵy nysan qurylysy qoǵam nazaryna usynylyp, ekologiia turǵysynan saraptamadan ótip, qorshaǵan ortaǵa əseri qandai bolatynyn anyqtaý kerek. Dəl qazir qonaq úi qurylysy josparda joq. Sonymen qosa eshqandai joba maquldanyp, bekitilgen joq», - dedi Órken Bisaqaev.
Bozjyra shatqaly Mańǵystaý oblysynda jergilikti mańyzy bar «Jabai Úshqan» qoryǵynyń aýmaǵynda ornalasqan. «Jabai Úshqan» kieli orny Mańǵystaý oblysy ákiminiń qaýlysymen 2012 jyly qurylǵan. Qazir oblystaǵy «Qyzylsai» memlekettik aimaqtyq tabiǵi parkiniń quramynda. Qoryq tólqujatyna sáikes aýmaqqa týristerdiń kirýine, týristerdi qabyldaityn nysandar jumysyna ruqsat berilgen.
