مəدەنيەت جəنە سپورت ۆيتسە-مينيسترٸ ٶركەن بيساقاەۆ جۇمىس ساپارىمەن ماڭعىستاۋ وبلىسىنا كەلدٸ, دەپ حابارلايدى "ۇلت اقپارات".
ۆيتسە-مينيستر جۇمىس بارىسىندا ٶڭٸردەگٸ تۋريزم جەنە ەكولوگييا سالاسىنىڭ ٶكٸلدەرٸمەن قوعام بەلسەندٸلەرٸمەن كەزدەستٸ.
ٶركەن بيساقاەۆ بيىل شٸلدە ايىنان باستاپ ماڭعىستاۋعا كەلٸپ دەمالۋشىلاردىڭ سانى ارتقانىن اتاپ ٶتتٸ. بۇل ٶز كەزەگٸندە وبلىس تۋريزمٸن دامىتۋعا دەن قويۋ كەرەگٸن اڭعارتاتىنىن ايتتى.
«بٷگٸندە تۋريستەر اراسىندا Rixos Water world قوناقٷيٸ باعىتىنان بٶلەك, بوزجىرا شاتقالى دا تانىمال. بٸزدٸڭ ستاتيستيكامىز بويىنشا قازٸر بۇل جەرگە كەلۋشٸلەر سانى ٶتكەن جىلمەن سالىستىرعاندا 10 ەسە ارتقان. جوبامەن بۇل جەرگە 2 مىڭنان استام ادام كەلگەن. ال كەلەسٸ جىلى بۇل كٶرسەتكٸش ارتىپ, كەمٸ 10 مىڭنان استام تۋريست كەلٸپ, دەمالادى دەگەن بولجام بار», دەدٸ ۆيتسە-مينيستر.
ايتا كەتەيٸك, بۇعان دەيٸن ەلەۋمەتتٸك جەلٸلەردە بوزجىرا شاتقالىندا قوناق ٷي كەشەنٸ جوباسى جٷزەگە اسىرىلادى دەگەن حابار تاراعان بولاتىن. الايدا, وبلىس ەكٸمدٸگٸ قازٸرگٸ تاڭدا «بوزجىرا سافاري» قوناق ٷيٸنٸڭ جوبالاۋ جۇمىستارى جٷرگٸزٸلٸپ جاتقانىن حابارلاعانىن جازعان بولاتىنبىز.
بۇل جايعا قاتىستى ەكولوگتار قارسىلىق بٸلدٸرٸپ, قۇرىلىس جۇمىستارى كەزٸندە بۇل جەرگە زييان كەلەتٸنٸن ايتتى. ٶركەن بيساقاەۆ اتالعان جايتقا قاتىستى تٷسٸنٸكتەمە بەرٸپ, الدىمەن ەكونوميكا تۇرعىسىنان قاجەتتٸلٸك پەن ەكولوگييا اراسىنداعى تەڭدٸكتٸ ساقتاۋ ماڭىزدى ەكەنٸن جەتكٸزدٸ.
«شاتقالدى جان–جاقتى قاراپ شىققان ماماندار بۇل جەرگە ادامدار مەن كٶلٸكتەردٸڭ ەش قيىندىقسىز كەلٸپ-كەتە الاتىنىن ايتىپ وتىر. ياعني, جەر رەلەفٸ ەشقانداي ارنايى دايىندىقتى كەرەك ەتپەيدٸ.
بٸزدٸڭ ويىمىزشا, ەشبٸر رەتسٸز ٶز ەركٸمەن اعىلىپ كەلەتٸن ساياحاتشىلار ەرەكشە تابيعي ورىنعا زييانىن تيگٸزۋٸ مٷمكٸن. بۇل جەردە زييان تاۋ شاتقالىنا ەمەس, جازىق دالاعا تيەدٸ. ٶيتكەنٸ, جازىقتاعى توپىراق كٶپ كٶلٸكتٸڭ بەيبەرەكەت قوزعالىسىنان شاڭعا اينالىپ, كەيبٸر جەندٸكتەر مەن ٶسٸمدٸكتەرگە كەرٸ ەسەر ەتەدٸ. تۋريستەر قوزعالىسىن رەتتەپ, تۋريستەر قابىلداۋ ٷشٸن بوزجىرا تاۋىنا جاقىن جەردە تۋريستٸك نىسان مەن قوزعالىستى رەتتەيتٸن جٷيە قاجەت», - دەپ تٷسٸندٸردٸ ٶركەن بيساقاەۆ قوعام ٶكٸلدەرٸنە.
سونىمەن قاتار, ۆيتسە-مينيستر شاتقال اۋماعىندا ينفراقۇرىلىمدى رەتكە كەلتٸرٸپ, تۋريستەر قاۋٸپسٸزدٸگٸ مەن قولايلىلىعى ٷشٸن بٸرقاتار شارانى ٸسكە اسىرۋ كەرەگٸن اتاپ ٶتتٸ.
«بوزجىرا شاتقالى ماڭىنداعى نىسان قۇرىلىسى قوعام نازارىنا ۇسىنىلىپ, ەكولوگييا تۇرعىسىنان ساراپتامادان ٶتٸپ, قورشاعان ورتاعا əسەرٸ قانداي بولاتىنىن انىقتاۋ كەرەك. دəل قازٸر قوناق ٷي قۇرىلىسى جوسپاردا جوق. سونىمەن قوسا ەشقانداي جوبا ماقۇلدانىپ, بەكٸتٸلگەن جوق», - دەدٸ ٶركەن بيساقاەۆ.
بوزجىرا شاتقالى ماڭعىستاۋ وبلىسىندا جەرگٸلٸكتٸ ماڭىزى بار «جاباي ٷشقان» قورىعىنىڭ اۋماعىندا ورنالاسقان. «جاباي ٷشقان» كيەلٸ ورنى ماڭعىستاۋ وبلىسى ەكٸمٸنٸڭ قاۋلىسىمەن 2012 جىلى قۇرىلعان. قازٸر وبلىستاعى «قىزىلساي» مەملەكەتتٸك ايماقتىق تابيعي پاركٸنٸڭ قۇرامىندا. قورىق تٶلقۇجاتىنا سەيكەس اۋماققا تۋريستەردٸڭ كٸرۋٸنە, تۋريستەردٸ قابىلدايتىن نىساندار جۇمىسىنا رۇقسات بەرٸلگەن.
