Foto: turkystan.kz alyndy
Búgin Parlamenttiń tómengi palatasynda «Mádeniet týraly» zańǵa tolyqtyrýlar engizý týraly» qorytyndy otyrys ótti, dep habarlaidy ult.kz.Zańǵa sáikes qazaq tilin mádeni qundylyq retinde saqtaý jáne qorǵaý maqsatynda zań jobasynda qazaq tiliniń barlyq janrlary men stilderiniń mátinderin qamtityn qazaq tiliniń ulttyq korpýsyna negizdelgen qazaq tiliniń sózdik qoryna qoljetimdilikti qamtamasyz etetin biryńǵai memlekettik aqparattyq júiesi — qazaq tiliniń ulttyq sózdik qoryn qurý kózdeledi.
Qazaq tilindegi mátinderdi óńdeý, generatsiialaý jáne taldaý maqsatynda zań jobasynda jasandy neirondyq jeliler tehnologiiasyna negizdelgen qazaq tiliniń úlken tildik modelin jasaý usynylady.
Zań jobasyn qaraý barysynda depýtattar tálimgerlik institýtyn reglamentteýge jáne bilim berý máselelerin sheshýge baǵyttalǵan normalardy kózdedi.
Talantty oqýshylardy memlekettik qoldaý jáne olardyń ǵylymi qyzmetin yntalandyrý maqsatynda zań jobasynda halyqaralyq ǵylymi jobalar konkýrstarynyń jeńimpazdary men júldegerleri úshin konkýrstan tys memlekettik bilim berý granttaryn berý jónindegi norma kózdelgen.
Budan basqa, Shetelde kadrlar daiarlaý jónindegi Respýblikalyq komissiia aiqyndaityn tizbe boiynsha halyqaralyq olimpiadalar men ǵylymi jobalar jáne oryndaýshylar konkýrstardyń jeńimpazdary úshin bakalavriat deńgeiinde «Bolashaq» halyqaralyq stipendiiasynyń baǵdarlamasy boiynsha oqytý múmkindikteri keńeitilýde. Bul rette jeńimpaz tańdaǵan mamandyq olimpiada nemese konkýrs pánine sáikes kelgen jáne olardy akademiialyq oqýǵa shartsyz qabyldanǵan jaǵdaida, jetekshi sheteldik joǵary oqý oryndarynda oqýǵa bolady.
Tálimgerlik institýtyn retteý maqsatynda zań jobasynda tálimger bolýǵa úmitker adamdardy oqytý tártibi reglamentteledi, sondai-aq osyndai oqytýdy uiymdastyratyn uiymdardyń quqyqtary men mindetteri aiqyndalady.
Sondai-aq, zań jobasynda bilim berý salasyndaǵy ýákiletti organnyń birqatar quzyretteri naqtylanady.
Zań jobasy sheńberinde qaralatyn máseleler salasynyń keńeiýin eskere otyryp, depýtattarmen zań jobasynyń atyn «Qazaqstan Respýblikasynyń keibir zańnamalyq aktilerine mádeniet, bilim berý jáne tálimgerlik máseleleri boiynsha ózgerister men tolyqtyrýlar engizý týraly» dep ózgertý jóninde usynys engizildi.
Sonymen qatar, depýtattar redaktsiialyq sipattaǵy túzetýler men normalardy zań tehnikasyna sáikes keltirýge baǵyttalǵan, zań jobasynyń mazmunyn sapaly jaqsartatyn túzetýler engizdi.
Parlament Májilisiniń barlyq komiteti zań jobasy boiynsha oń qorytyndylaryn berdi.
Komitet jumys tobynyń 4 otyrystaryn jáne Komitettiń keńeitilgen otyrysyn ótkizdi. Qorytyndy salystyrý kestesi qabyldanǵan 17 pozitsiiany qamtidy.
Áleýmettik-mádeni damý komiteti «Qazaqstan Respýblikasynyń keibir zańnamalyq aktilerine mádeniet, bilim berý jáne tálimgerlik máseleleri boiynsha ózgerister men tolyqtyrýlar engizý týraly» Qazaqstan Respýblikasynyń Zańyn qabyldady jáne ony Qazaqstan Respýblikasy Parlamentiniń Senatyna jiberdi.
