Jyl saiyn 500 ǵalym álemniń jetekshi ǵylymi ortalyqtarynda taǵylymdamalarmen qamtamasyz etiletin bolady. Bul týraly Májiliste «Nur Otan» partiiasynyń sailaý aldyndaǵy mindettemelerin iske asyrýǵa arnalǵan talqylaý kezinde Premer-Ministr Asqar Mamin málim etti, dep habarlaidy QazAqparat.
Onyń aitýynsha, Jol kartasynyń ekinshi baǵytyndaǵy (Ziiatker, salamatty jáne yjdaǵatty ult) maqsattardy sheshý úshin 69 is-shara qamtylǵan.
«Mádeniet pen ǵylymdy qoldaý, sondai-aq eldiń ziiatkerlik áleýetin damytý jumystary jalǵasady. Jyl saiyn qazaqstandyq 500 ǵalym álemniń jetekshi ǵylymi ortalyqtarynda taǵylymdamalarmen qamtamasyz etiletin bolady», - dedi A. Mamin.
Onyń sózine qaraǵanda, 2025 jylǵa qarai mádeniet salasynyń 1500 nysany salynady jáne jóndeýden ótedi. Jyl saiyn 300 nysan qurylyspen jáne jańǵyrtý jumystarymen qamtylady.
Budan buryn habarlanǵandai, Úkimet «Nur Otan» partiiasynyń Parlament Májilisindegi fraktsiiasynyń aldynda sailaýaldy baǵdarlamany júzege asyrý boiynsha tiisti Jol kartasynyń jobasyn usyndy.
Jol kartasy Sailaýaldy baǵdarlamasynyń tórt baǵyty boiynsha 362 is-sharadan turady:
- birinshi - «Barshaǵa teń múmkindik»; - ekinshi - «Ziiatker, salamatty jáne yjdaǵatty ult; - úshinshi - «Ekonomika men óńirlerdiń turaqty damýy» jáne tórtinshi - «Halyqqa esep beretin memleket jáne jaýapty azamattar».
