Mádeniet pen ónerdi qoldaýǵa arnalǵan arnaiy qor qurylýy múmkin. Bul týraly Qazaq ulttyq óner ýniversitetiniń ujymymen kezdeý barysynda Parlament Májilisi Áleýmettik-mádeni damý komitetiniń tóraiymy Gúlshara Ábdiqalyqova málim etti, dep habarlaidy QazAqparat.
«Qazirgi kezde Úkimet tarapynan mádeniet týraly zańǵa ózgerister men tolyqtyrýlar engizý týraly zań jobasy ázirlenýde. Onda elimizde mádeniet salasyn damytý baǵytynda arnaiy qordy qurý eskerilgen. Osy oraida qor boiynsha ártúrli salada qoldaý bolady, sondai-aq sizder ainalysyp júrgen baǵytta da tiisti sharalar qamtylady», - dedi G. Ábdiqalyqova ýniversitet ujymyna qarata aitqan sózinde.
Sonymen qatar depýtat tsifrlandyrý máselesiniń de ózekti ekenin atap ótti.
«Búgin ýniversitettegi stýdiianyń jumysymen tanystyq. Barsha álem tsifrlandyrýmen damyp kele jatyr, onyń aiasynda kinofilm túsirý, kontsert salasyn da atap ótken jón. Bul turǵyda qolaily norma eskerilgen, iaǵni osy baǵytta jańa tehnologiialyq deńgeide salany damytý múmkindigine qoldaý jasalady», - dedi ol.
Depýtattyń sózine qaraǵanda, atalǵan jobada usynylǵan úshinshi baǵyt - kontserttik qyzmet salasyna qatysty máseleler.
«Osy turǵyda mádeniet qairatkerleri tiisti usynystar jasaǵan bolatyn, sáikesinshe, Úkimet qajetti normalardy engizedi degen oidamyn», - dedi Gúlshara Ábdiqalyqova.
.jpeg)