مەدەنيەت پەن ٶنەردٸ قولداۋعا ارنالعان ارنايى قور قۇرىلۋى مٷمكٸن. بۇل تۋرالى قازاق ۇلتتىق ٶنەر ۋنيۆەرسيتەتٸنٸڭ ۇجىمىمەن كەزدەۋ بارىسىندا پارلامەنت مەجٸلٸسٸ ەلەۋمەتتٸك-مەدەني دامۋ كوميتەتٸنٸڭ تٶرايىمى گٷلشارا ەبدٸقالىقوۆا مەلٸم ەتتٸ, دەپ حابارلايدى قازاقپارات.
«قازٸرگٸ كەزدە ٷكٸمەت تاراپىنان مەدەنيەت تۋرالى زاڭعا ٶزگەرٸستەر مەن تولىقتىرۋلار ەنگٸزۋ تۋرالى زاڭ جوباسى ەزٸرلەنۋدە. وندا ەلٸمٸزدە مەدەنيەت سالاسىن دامىتۋ باعىتىندا ارنايى قوردى قۇرۋ ەسكەرٸلگەن. وسى ورايدا قور بويىنشا ەرتٷرلٸ سالادا قولداۋ بولادى, سونداي-اق سٸزدەر اينالىسىپ جٷرگەن باعىتتا دا تيٸستٸ شارالار قامتىلادى», - دەدٸ گ. ەبدٸقالىقوۆا ۋنيۆەرسيتەت ۇجىمىنا قاراتا ايتقان سٶزٸندە.
سونىمەن قاتار دەپۋتات تسيفرلاندىرۋ مەسەلەسٸنٸڭ دە ٶزەكتٸ ەكەنٸن اتاپ ٶتتٸ.
«بٷگٸن ۋنيۆەرسيتەتتەگٸ ستۋدييانىڭ جۇمىسىمەن تانىستىق. بارشا ەلەم تسيفرلاندىرۋمەن دامىپ كەلە جاتىر, ونىڭ اياسىندا كينوفيلم تٷسٸرۋ, كونتسەرت سالاسىن دا اتاپ ٶتكەن جٶن. بۇل تۇرعىدا قولايلى نورما ەسكەرٸلگەن, ياعني وسى باعىتتا جاڭا تەحنولوگييالىق دەڭگەيدە سالانى دامىتۋ مٷمكٸندٸگٸنە قولداۋ جاسالادى», - دەدٸ ول.
دەپۋتاتتىڭ سٶزٸنە قاراعاندا, اتالعان جوبادا ۇسىنىلعان ٷشٸنشٸ باعىت - كونتسەرتتٸك قىزمەت سالاسىنا قاتىستى مەسەلەلەر.
«وسى تۇرعىدا مەدەنيەت قايراتكەرلەرٸ تيٸستٸ ۇسىنىستار جاساعان بولاتىن, سەيكەسٸنشە, ٷكٸمەت قاجەتتٸ نورمالاردى ەنگٸزەدٸ دەگەن ويدامىن», - دەدٸ گٷلشارا ەبدٸقالىقوۆا.
.jpeg)