Latyn álipbiine kóshý barysyn halyqqa túsindirý jumysyna jumyldyrylǵan blogerlerge qarajat bólý týraly aqparat jalǵan, ony elektrondy úkimet portalyna qoiǵan adam jazalanady, dep habarlady mádeniet jáne sport ministrligi Sputnik Qazaqstan agenttigine.
Budan buryn portalda jariialanǵan málimetke súiensek, qazaq tilin latyn álipbiine kóshirý barysynda áleýmettik jelilerde túsindirý jumystaryn júrgizýge qatysatyn blogerlerge 462 million 600 myń teńge tólenedi dep josparlanǵan. Bul iske jaýapty oryndaýshy retinde Qazaqstan Respýblikasynyń mádeniet jáne sport ministrligi atalǵan bolatyn.
"Elektrondy úkimet portalynda 2025 jylǵa deiin qazaq tilin latyn álipbiine birtindep kóshirý boiynsha sharalar josparynyń bekitilmegen jobasy jariialandy. Áleýmettik jelilerdegi jumys úshin qarjy bólý qarastyrylmaǵan", — dep habarlady mádeniet ministrligi.
Aǵattyq jibergen vedomstvo qyzmetkeri jazalanatyn bolady. Jospardyń bekitilgen jobasy jaqyn arada elektrondy úkimet portalynda jariialanbaq.
