QR Mádeniet jáne sport ministri Aqtoty Raiymqulova áigili ánshi, kompozitor, Eskendir Hasanǵalievtiń jaqyndary men týystaryna kóńil aitty, dep habarlaidy "Ult aqparat".
«Qazaq óneri aýyr qazaǵa ushyrady. Taǵy bir darhan júrekti halqymyzdyń dara perzentiniń júregi toqtady. Bar bolmysy elim dep jyrlaityn Eskendir aǵamyz kósh-kerýenge ilesip, kelmestiń kemesine minip aramyzdan kete bardy degen sýyt habardy estip, qabyrǵam qaiysyp otyr. QR Mədeniet jəne sport ministrliginiń atynan tanymal ənshi, kompozitor, professor, Memlekettik syilyqtyń laýreaty, «Qurmet», «Otan» ordeniniń, «Platinaly Tarlan» syilyǵynyń iegeri Eskendir Ótegenuly Hasanǵalievtiń qaitys bolýyna bailanysty Hasanǵalievter əýletiniń qaiǵysyna ortaqtasyp, kóńil aitamyn», - dep jazdy A. Raiymqulova Facebook paraqshasynda.
Ministr E. Hasanǵalievtiń ǵibratty ǵumyryn ən men saz əlemine arnap, qazirgi qazaq estradasynyń negizin qalaǵan óner iesi, otbasy men ortasyna qorǵan bolǵan abzal azamat bolǵanyn jazdy.
«Aǵamyzdyń «Atameken», «Ádemi», «Asyl arman», «Ómirimniń jazy», «Eskirmegen mahabbat» ózge de ánderin bilmeitin qazaq joq. Shet memleketterde de tyńdarmannyń ystyq yqylasyna bólengen týyndylary bizdiń aramyzda məńgi ómir súredi. Mánerli mýzykasymen ózindik qoltańbasyn qalyptastyrǵan Eskendir Hasanǵalievtiń shyǵarmashylyǵy qazaq mədenietiniń qundy qazynasy. Óner maitalmanynyń asyl beinesi qalyń qazaqtyń kóńil tóri men júrek túkpirinde məńgi saqtalady. Marqumnyń kózi tirisinde jasaǵan igi-jaqsy amaldary aldynan jarylqasyn. Jatqan jeri jaily, topyraǵy torqa bolsyn», - dedi Mádeniet jáne sport ministri.
Eskendir Ótegenuly Hasanǵaliev 1940 jyly 13 aqpanda Batys Qazaqstan oblysynda týǵan. 1959 jyly Qurmanǵazy atyndaǵy Almaty memlekettik konservatoriiasynyń vokaldy-hor fakýltetin, 1978 jyly Ál-Farabi atyndaǵy Shymkent mádeniet institýtyn bitirdi. Ómirin ónerge arnaǵan Hasanǵalievtiń «Atameken», «Ádemi», «Asyl arman», «Ómirimniń jazy», «Eskirmegen mahabbat» ánderin bilmeitin qazaq joq.
Eskendi Hasanǵaliev – qazaqtyń án ónerine zor úlesin qosqan sazger. Onyń repertýaryndaǵy avtorlyq týyndylary el júreginen oiyp turyp oryn alǵan. Shyǵarmashylyq ǵumyrynda orys, tatar, nemis aqyndarynyń óleńderine de án jazǵan. 200-ge jýyq án, romans jáne horǵa arnalǵan shyǵarmalardyń avtor boldy.
Eskendir Hasanǵaliev pen jubaiy Dariko Hasanǵalievanyń eki qyzy men bir uly bar.
